AMUS 9:7 - Sumi Naga CL (Re-edited) Bible (BSI)

⁷ Ampeu no pi, “O Israelmi, I ghenguno nongu ye Cushmi toike kumo keshea?” “Israelmi ye I no Egypt lono saipeghi, Philistiami no Capthor lono, eno Syriami no Kir lonoke kumo?

BAIBEL (BSI)

⁷ AMPEU no pi, “O Israil lo akemiqo, ino kishi nongu kumsulu keno titoi niye Sudan lo akemiqo kumsulu cheni. Ino Ijip lono nongu saghike toi Filistiyami Kreta lono saghi eno Kir lono Siriyami saghike.

AMUS 9:7 Referans Kwoze

JEREMIYA 47:4

kughengu Philistiami kümtsü kütsaveni keu tsala cheni, Tyre ngo Sidon lono akukuphu kümtsü lakhave nani. Kughengu Ampeu no Philistiami kütsaleve nani, panongu ye Caphtor züghimkü lo ghükulumi ke.

KUKAMI AKINIU 16:9

Assyria kükau no pa tsa ikhilu tsüno ighi püzü Damascus leluve eno timiqo kughu sasü Kir lo wuve, eno pa no Rezin pithive.

ZAKINIU 2:23

Avvimi aphu lo küxümi khunoqo Gaza kutolo ache keno, panongu ye Caphtor lono ighi kemi Caphtormi no leve no pano-a lo xüsüve.)

AMUS 2:10

Egypt yeghi lono nongu saipeghi keu hughi I noe eno Amorimi yeghi pesü tsüniye ampe lhobidi asayeqha lo nongu sacheke.

AMUS 1:5

I no Damascus khagho khadu kubove tsü nani, eno Aven Khila lono xüküami ikhive nani, Beth-eden lo kükaküsü pe akeu eno Syriami ye Kir lo haphe sawuve nani,” ipi Ampeu no piani.

HOSIYA 12:13

Tungkupu vecheo Ampeu no Egypt lono Israel saipeghi, eno tungkupu vecheo pa jukuto.

JEREMIYA 13:23

Ethiopiami ye pa yiko kililu momu akhighiu ngushuu ye akütsükive kililu nani keshea? Tishiaye nongu alhoaye lono alhoksa shikemi ghi kili mla nani.

ISAIAH 22:6

Elam lono asüzü kipemi gholo khurkulu ngo khurshimi, eno Kir lono azüto kutope chenie.

ISAIAH 20:4

Assyria kükau no Egyptmi ngo Cushmi, kichi-iti kümtsü akughumi shi sasü Egypt shikukujo ghi ashibo nhatsü mono aphikümsa sawuve nani.

IPEKULU 12:51

Eno tipa tsalani no Ampeu no Egypt yeghi lono Israelmi aqokitikhi saipeghive.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

YEKIKITHI AKINIU 14:9

Ethiopiami Zerah no pa mjonike paw ghüshimi qhethonhe chighi eno khurkulu 300 sasü Mareshah kutolo ighive.

YEKIKITHI AKINIU 14:12

Ikehu Ampeu no Asa ngo Judahmi zülono Ethiopiami theqhive, eno Ethiopiami ye kuha pove.