AMUS 9:5 - Sumi Naga CL (Re-edited) Bible (BSI)

⁵ Ampeu, aqokitikhi Lhou, Pa no ayeghi bukelo pitikümlave cheni eno tile akemi kümtsü no mloqa cheni, panoqo no Nile züghi toi ikughi eno itaghi Egypt lo Nile züghi toi iqüilove cheni;

BAIBEL (BSI)

⁵ AMPEU Aqokitikhi Lhou no ayeghi bukeulo tiye ithawuve cheni; tipaulo akemi kumtsuno mloqauve cheni. Ayeghiqha kumtsu Nayil ghoki toi iku eno iluqive cheni.

AMUS 9:5 Referans Kwoze

AMUS 8:8

Hi ghenguno ayeghi ye itha moni keshea, tile akemi kümtsü mloqa moni keshea? Ayeghi kümtsü no Nile züghi toi fukucho ithughi no itaghi Egypt lo Nile züghi toi ikiqi ilo nani.”

LESHELE 46:6

Shiyeqo no aloghu ide ani, kükaqhaqo ikiqivae; Pa no Pa sütsa sheshu, ayeghi no mlaghubeive.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

ISAIAH 64:1

O pelo atsütsü kiyeve no iqighi penishi, tishikeu lono naghutoqo no khokhoshi penie—

MATTHEW 7:27

Tsüqhu-tsüghu ighi, atshünazü ighi, eno amülhü no aki tipau lo fupuku, ikelo ti ye ikiqive, eno mzamghalei ikiqi qhoi kütsa khave.”

HABAKUK 3:10

Naghutoqo no No ithulu no thüthüshi; azü no fuchighi qowu; azükutho no mqhomzai ipeghi no azü fukuchope qhemghai süqhe.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

HOSIYA 4:3

Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

JEREMIYA 12:4

Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

LESHELE 144:5

O Ampeu, atsütsü kiyeve no aqhou iqighi lo! Naghutoqo buju lo tishiaye tipaqo ye amchhi phoipeghi nani.

LESHELE 32:6

Tighenguno O phulu kepu do-ghuloki lono Alhou ithi kemi kümtsü no akighini lono O lau ighilu pelo; mtsüqheino lakhamla keu zü kije qoighi kelo tino pa tomo nani.

LESHELE 97:5

Ampeu zülo naghutoqo eno ayeghi kümtsü no aghügha toi ijileve.

LESHELE 104:32

Pa no ayeghi shou jupuku kelo tino khokhoshi itha; Pa no naghuto bu aye, tipaqo no amchhi phopipe cheni!

NAHUM 1:5

Naghutoqo no Pa zü lo itha; atoghiqo no ayitsü shivae; ayeghi eno tile xüküami kümtsü khokhoshi Pa zü lo ipeghi.