AMUS 9:13 - Sumi Naga CL (Re-edited) Bible (BSI)

¹³ “Julo, atsala hu ye chenie,” ipi Ampeu no sheshu, “alu hokikidemi no ghile kuhumi vecheve nani eno atsaithi qole kemi no axüthi sükemi haluve nani; Naghutoqo no akungo ji kighiji eno atoghi lono ti qowu nani.

BAIBEL (BSI)

¹³ AMPEU no pi, “Atsala wochenike, jualo, aghi ghoqhi khamla aphi lono aghibo thuwuve aghi nani, Atsayiji shikhamla aphi lono atsayithi thuwuve aghi nani. Naghuto qono ngoyinikeu ji kighiji nani eno atoghilo tipau qowu nani.

AMUS 9:13 Referans Kwoze

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

John 4:35

Nongu no aholetsa, ‘Aqhi bidi aghi no ghile hunani’ ipi chenike kumo? I no nongu vilo piani, nongu nhethi tsükhope julo, aluza ye ayegha ipeghive no ghile huthuvae.

ISAIAH 55:13

Asahuqo züqhulo cypressbo ipeghive nani; eno asahubo lono myrtlebo ipeghive nani; eno tino Ampeu je shitsü nani eno alhokupuju lo acheni keu michipu shi nani.”

ACHINE 26:5

Now ghile no pofushi atsaithi ghile kutolo pekütsü khamla nani, eno atsaithi ghile no ghixu kutolo pekütsü khamla nani. Nongu ye kupukuno shi chusho no sükusho lono no yeghi lo xülu nani.

EZEKEL 36:35

Eno panongu no pi nani, ‘Ayeghi hipau küghüküghalei achekeu ye Eden ghutu toivae, eno kütsave keu, ixapinyi shipüsape akeu mishighünaqo ye itehi ye kümtsü shiqhevae eno küghüna luvae.’

JOYIL 3:20

Ikemu Judah ngo Jerusalem ye alholo tiqheli kümtsü lo küghüna acheuve nani.

LESHELE 97:5

Ampeu zülo naghutoqo eno ayeghi kümtsü no aghügha toi ijileve.

XAKUTHAMI 5:5

Naghutoqo no Ampeu zülo khokhoshi, Sinai thotsü Ampeu Israel Lhou zülo ithae.

AMUS 9:5

Ampeu, aqokitikhi Lhou, Pa no ayeghi bukelo pitikümlave cheni eno tile akemi kümtsü no mloqa cheni, panoqo no Nile züghi toi ikughi eno itaghi Egypt lo Nile züghi toi iqüilove cheni;

BOTHUBO 49:11

Paw khurhati atsaibo lo tshü eno khurhali atsaibo akiviu lo tshüpe qhino pa no atsaizü lono pa phimini ishile eno atsaizü kuhu lono alouphi ishie.

ISAIAH 16:10

Alokivi eno ahukülü ye kinikülü lu lono süwuvae, atsailu lo alovi igha ale phemovae; atsaizü kümlau no tsüghü movae; alokivi ghügha ye kishekhavae.

EZEKEL 28:26

Panongu no sükusho lono küghünauve nani, panongu no atsaibo shosü eno aki shiqhe puku nani. I no pano kisüghümi khunono küthaküghapu shi pano peitha keno panoqo kümtsü lau Iw küghakütha bekelo panongu ye sükusho lono küghünauve nani. Tileno panongu no Ni ye Ampeu pano Lhou kepi ithi nani.”

JOYIL 2:24

“Aniqa lo athi no chhive nani; atughukoqo lo atsaiji ngo thazü no yeli-qole nani.