AMUS 7:14 - Sumi Naga CL (Re-edited) Bible (BSI)

¹⁴ Tileno Amos no Amaziah khochile pi, “Ni ye tungkupu kumo, tike kumono tungkupu nu mu kumoe, ikemu ni ye ambekhemi eno tüküthi-mubuthi chiche kemi ke.

BAIBEL (BSI)

¹⁴ Amus no khochile pi, “Niye ame tsupeniye tungkuptsa pichekemi tungkupu lakhi kumoe momu tungkupmi lakhi nu kumoe. Niye bherikhemi eno khughuthibo chichekemike.

AMUS 7:14 Referans Kwoze

AMUS 1:1

Ayeghi küghütha züu ampe kini akelo Uzziah no Judah kükau shi eno Joash nu Jeroboam no Israel kükau shi ake ghuloki lono Amos, khuu Tekoa lo ambekhemi lakhi keno, pa no Israel ghenguno ithulu keu tsape.

ZEKHARIA 13:5

ikemu pa no pi nani, ‘Ni ye tungkupu kumono alukichimie, kughengu timi lakhi no I lhothe ghuloki lono I jepuwuve ke.’

KUKAMI AKINIU 4:38

Kughou aghakhu lo püqümiye akeno, Elisha no Gilgal lo ighi. Tungkupmi loji no pa zülo iqa akelo, pa no pa qeu vilo pi, “Ali kije lono akulhozü shipe panongu piyelo.”

KUKAMI AKINIU 2:5

Jericho lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüive lo.”

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

KUKAMI AKINIU 2:3

Bethel lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüi shilo.”

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

YEKIKITHI AKINIU 20:34

Jehoshaphat kümla küghütha kütau abothu lono ashekha kutolo, Hanani nu Jehu yekikithi lo yepüani, ti ye Israel Kükami Kaku lo ani.

YEKIKITHI AKINIU 16:7

Tipa ghuloki lo tungkupu Hanani no Judah kükau Asa lau wuno pi, “Nono Ampeu o Lhou pükhüni ke züqhulo Syria kükau shou pükhübe kehu, Syria kükau ghüshimi ye o launo poka luvae.

KUKAMI AKINIU 6:1

Ghulo lakhi tungkupmi loji no Elisha vilo pi, “Julo, nono ampi shi akeu ki ye ningu ghenguno tülalovae.

KUKAMI AKINIU 2:7

Tungkupmi loji pano lhopungu ghi pama papesü kümtsa wuve eno pama no Jordan mkülo puthugho akelo, panongu ghi putou puthugho ae.

KUKAMI ATUGHIU 20:35

Ampeu zakütsü lono tungkupmi loji lo milakhi no pa küsau vilo pi, “I heqhilo.” Ikemu pa no tishimoe,

SAMUEL ATUGHIU 10:11

Kughou azüu no pa ithi chekemi no pa no kishi tungkupmi gholo tungkuptsa pi akeu ithulu keno, panongu lakhino lakhi vilo pi, “Kish nu shou kiu ikughive akea? Saul ghi tungkupmi lakhi keshea?”

KUKAMI ATUGHIU 19:19

Ikehu Elijah ye tileno wuve no Shaphat nu Elisha sasü kusholu. Elisha ye amshitsü tüna chighikini sasü alu hokide aghi, eno pa no chighiakiniu sasü cheghi. Tile Elijah no pa lau ighi no paw hebephi xape Elisha shou bevetsü.

KUKAMI AKINIU 2:15

Kughou Jericho lono ighi kemi tungkupmi loji no pa ithulu keno, panongu no pi, “Elijah nguagha Elisha shou ikughivae.” Tishino panongu no pa sasü kushoni ke ighi no pa zülo pishiqho.

JOB 30:4

vashuniye ngo achhophebo kuhu pesü pano khuna shicheni.

AMUS 3:8

Abongshuu no igha kelo khuu no msa moni kea? Ampeu Alhou no piqhive ake khuu no tungkuptsa sheshu moveni kea?”