AMUS 7:10 - Sumi Naga CL (Re-edited) Bible (BSI)

¹⁰ Tileno Bethel lo achineu Amaziah no Israel kükau Jeroboam lau ishi asütsa puwu, “Amos ye Israel lo akemi zülono o shou küsüqe ani. Aghakhu ye pa tsapi puqhelu movae.

BAIBEL (BSI)

¹⁰ Tileno Bethel lo achineu Amaziya no Israil kukau Jeroboam lau asutsa puwuno ishi pi, “Amus ye Israil lo akemiqo gholono oshou akumou shiniye kumqu ani. Pa tsapino aghakhu shipusaveni cheni.

AMUS 7:10 Referans Kwoze

JEREMIYA 38:4

Tileno Hiyampemi no akükau vilo pi, “Timi hipau ye pithive kepue, kughengu pa no atsa hipaqo panongu lau pikeu lono mishighüna hipau lo ghüshimi akeqo shikimqeve ani eno timiqo ghüthi püsüve tsü ani. Kughengu pa ye timiqo kivipu kumono pano ghüzapu phu anie.”

MATTHEW 21:23

Kughou Jisü no achineki lo iloghi no timiqo kütsü akeno, achinetomi ngo layemi no pa lau ighi no pi, “No ye kiu küka lono hipaqo shi ani kea? Khuu no kükagha hipau o tsü kea?”

KUKAMI ATUGHIU 13:33

Hipa thiu ghi Jeroboam ye pa lhoksa laghi lono ideighi moe, ikemu timi jeli kümtsü pesü qhemghai ke-a lo achinemi shi süsüke. Khukhumu pulo aghi keu kishepe achinemi shipe.

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

Apostolmi 7:54

Kughou panongu no hi chilu keno, panongu ye axuideve no pa jupe ahu tsüghü.

Apostolmi 5:28

“Timi hipau je lono kütsü kevilo pi ningu no azah tsü keghi nongu no Jerusalem qha kuchopu kütsü shika ani, eno timi hipau ji pesü ni shou puku tsüniye shi anie.”

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

KUKAMI ATUGHIU 18:17

Kughou Ahab no Elijah ithulu keno, pa no pi, “Hi ye no, Israel küküpnau keshea?”

BOTHUBO 37:8

Pa mu noqo no pa vilo pi, “No ye kuchou no ningu shou kani kea? Ikeo no ye kuchou no ni shou ayepeni kea?” Ikehu pa samo eno pa tsa ghenguno panongu no itaghi alaushi pa mithiuve.

JEREMIYA 36:16

Kughou panongu no atsaqo chilu keno akümsa launo tsüghüwo lakhino lakhi kujukile. Panongu no Baruch vilo pi, “Ningu ye atsa hi kümtsü pesü akükau lau pithi masae.”

AMUS 1:1

Ayeghi küghütha züu ampe kini akelo Uzziah no Judah kükau shi eno Joash nu Jeroboam no Israel kükau shi ake ghuloki lono Amos, khuu Tekoa lo ambekhemi lakhi keno, pa no Israel ghenguno ithulu keu tsape.

AMUS 3:14

“Tipani I no Israel xine ghenguno pa ghime nani, Bethel lo akiptia ghime nani, eno akiptia lo akibo akeqo ye ikhipe ayeghi lo veqhive nani.

AMUS 5:5

ikemu Bethel phuwu kevi, eno Gilgal momu Beersheba lo wu kevilo; kughengu Gilgal ye mtsüqhei haphe sawuve nani eno Bethel ye kiumu kumove nani.”

AMUS 7:11

Kughengu Amos no ishi piani, “Jeroboam ye azütakikihi lono thive no Israel ye hakiphi sasü pano yeghi lono kushuo lo wuve nani.”

AMUS 5:10

Panongu no khagho lo shikithetsü kemi mithi, eno kuchou tsa pi kemi jukuchhube cheni.