AMUS 6:8 - Sumi Naga CL (Re-edited) Bible (BSI)

⁸ Ampeu Alhou ampi no tushoqhivae, ipi Ampeu, aqokitikhi Lhou no sheshu: “Ni ye Jacob qheküza kuchhube paw sükusho-aqo mithi, I no aphughi eno tile akemi pesü aghümi tsüve nani.”

BAIBEL (BSI)

⁸ Alhou, Aqokitikhi AMPEU no tsaqui piputo akeu lakhi tsuani: “Niye Israil lo akemiqo qhekuza jumithike; niye panoqono amekusho shi aki kuloghi shipuakeu junishimoe. Panoqo phughi atou eno tilehi aghikeu kumtsu pesu ino aghumi tsuve nani.”

AMUS 6:8 Referans Kwoze

AMUS 4:2

Ampeu Alhou no Pa kimthe lono tushoqhive ake julo, akuhoyi no nongu fuluve, eno akha kümsüpuyi no nongu gholo ashekhau kutolo fupe wuve kepu tsala huye nongu lau cheni.

JEREMIYA 51:14

Aqokitikhi MPEU ampi no ishi ashoqhi shivae: Mtsüqheino I no tülhaqu jehi timi kutomo o lau saghi nani, panongu no nongu shou tokulu ghügha sheshu nani.

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.

LESHELE 47:4

Pa no ni mheghi kishetsü, Pa no kimiye chekeu Jacob kijivilepu shitsüe.

AMUS 3:11

Tighenguno Ampeu Alhou no ishi piani: “Aghümi no ayeghi botha luve eno aküghütshü-a kütsave tsü eno nonguw sükusho-a xulepuwuve tsü nani.”

JEREMIYA 22:5

Ikemu, Ampeu no asheshu, nongu no hipa tsa gholumo aye, Ni ampi no tushoqhi ani, kükaki hipau ye pighive nani.

LESHELE 106:40

Tithiu Ampeu mlokighide ye Paw timiqo shou iqü ipeghive, eno Pa no Pa mheghi jumithive;

ZEKHARIA 11:8

Aqhi lakhi lono I no ambekhemi küthü kütsave. Ikemu panongu lau Ni ye kheakulu shimlave eno panoqo ghi I jumithive.

EZEKEL 24:21

‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.

AKUMLO 2:5

Ampeu ye aghümi toivae; Pa no Israel munovae; tile kükaki kümtsü munovae; sükusho-aqo kütsaleve tsüae, eno Pa no Judah nga mloküsa ngo akumlo küghüsüve tsüae.

LESHELE 78:59

Alhou no ti chilu kelo, Pa ye aloghu no chhitoive, eno Pa no Israel milive.

LESHELE 50:12

“Tsala I no müzüthi aye, Ni ye o vilo pini chemoe, kughengu ayeghiqha eno tile akeu kümtsü Iw ke.

ZAKINIU 32:19

“Ampeu no hi ithulu no panongu milive, kughengu pa nuliqo no Pa ghujue.

ACHINE 26:30

I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

ACHINE 26:11

I no nongu gholo I kimthe phiki shino ngo nani, Ni ye nongu milive mo nani.

BOTHUBO 22:16

eno pi, “I no I je kuno ashoqhi shivae, ipi Ampeu no asheshu, kughengu nono o nu lakhi likhi akeu süchile mono hi shive akehu,

JEREMIYA 12:8

I mheghi ye aghasü lo abongshuu lakhi toivae; li no I shou asütsa süqhe; tighenguno I no li mithike.

JEREMIYA 44:26

Tighenguno Egypt lo Judahmi akeqo kümtsü AMPEU tsa inilo: Julo, I no I je kije pesü tushoqhi ani, hinguno hilauye nongu Judahmi Egypt lo akemi milakhi pelomu ashoqhi shikelo, ‘Ampeu Alhou no xüake toi,’ ipi püamoe.

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

HOSIYA 11:6

Azütakikihi no pano mishighüna jole nani, pano khagho lo aküptasüqo kuboleve tsü nani, eno panow lapiyemi ghenguno pano kütsave nani.

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

AMUS 5:21

Ni ye now tiqhetiniqo mithi eno junishi moe, eno nongu hukülü hohoqo lo I züküvü kühae.

AMUS 8:3

Tipani achineki lo alekiphe ye mloküqa shive nani,” Ampeu Alhou no pivae. “Akithi kumo no kütsasa!” “Aqha kümtsü peve nani!” “Inaqhoi khümüive nani!”

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

ISAIAH 28:1

Aha, Ephraim küka kütsükuqho xapusü shomzü chekemi, aghüma khila lo aji no theqhive kemi kütsü lo jukighilepu xamunu achekeu ye ighüivae!

JEREMIYA 22:14

pa no picheni, ‘I no I sala aki kije mlano kunguu achebo ililai mlani,’ pa no alashe mlano cedar süpa pesü akupuwu shino huchuyi keu pesü tipau nuda cheni.