AMUS 6:5 - Sumi Naga CL (Re-edited) Bible (BSI)

⁵ Nongu no akighilebo gholono akiqi küha keu le phe eno David toi ale jeli iqüe,

BAIBEL (BSI)

⁵ Nonguno ale iqi anishike, David toi eno akighilebo mutsa tipaqo asheshino phe acheni.

AMUS 6:5 Referans Kwoze

ISAIAH 5:12

Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

AMUS 5:23

Nongu le ghügha tavelo; Ni ye nongu kighilebo ghügha inimo nani.

AMUS 8:3

Tipani achineki lo alekiphe ye mloküqa shive nani,” Ampeu Alhou no pivae. “Akithi kumo no kütsasa!” “Aqha kümtsü peve nani!” “Inaqhoi khümüive nani!”

Piyeküsü 18:22

küghaküsü lebo, fulili eno afuko küighami ghügha nono chilu kithemo nani, au tshamgha kümlami ghi o gholo aghi move nani, eno athi kütsüghü ghügha mu nono chilu kithe move nani,

1 Peter 4:3

Kughengu Alhou kümthami no kiu toi xüche keno, ghaghughale, alhoksa shinike pitipüza keu, shokümzü, ghasükümla, eno ajulho kümlla, hi kümtsü lo nongu ghi aphiphi shi kuloji ighikeu no kughomae.

YETSAPIU 2:8

I no ameshoyi ngo ghükayi pekütsüpe qhino I küka bocho lo kükami kinikhuki kümtsü hekütsüpe qhie. Ni ye I lopivi tsüni kemi kiptimi totimi alephemi ache, eno anipu amishimi ache.

YEKIKITHI ATUGHIU 23:5

4,000 no khagho khemi, eno 4,000 no alebo I no Ampeu sheqhe nike ikhiphetsü keqo pesü Ampeu shipilini.”

YEKIKITHI ATUGHIU 15:16

David no itaghi alokivi ghügha süqheni kehu Levimi sakiphemi vilo pano thiküzümi dolo alephemi khunoqo no alebo jeli, aheo, küghaküsü lebo, küghapayi, küigha cheni keno panongu süsü penike azah tsü.

BOTHUBO 31:27

No ye kushiye küsüuno pove no I pishiqhive kea? Ni ye amqübo ngo aheo pesü kunuvüqai ale phesü o puwuni chekeghi kushiye I vilo pimo kea?

EZEKEL 26:13

I no o lekungo kishekhave tsü nani, eno o kighilebo ghügha ye chilu kithe move nani.

YEKIKITHI AKINIU 29:26

Levimi no David lebo peluve, eno achinemi no afuko peluve no puthughove.