AMUS 4:13 - Sumi Naga CL (Re-edited) Bible (BSI)

¹³ Kughengu julo, naghuto ngo amülhü lhophe keu, Pa kükümsü timi lau lheqhi keu, inaqhe pesü aküzü kughulhove, eno ayeghi kuchuqu lono chewu chekeu, Pa je ye Ampeu, aqokitikhi Lhou ke!

BAIBEL (BSI)

¹³ Naghutoqo eno amlhu lhokeuye Alhou likhinoke. Pano timi pelo pa kukumsu ithipe cheni; pano puchou pesu putho shivepe cheni. Paye ayeghi kuchuqu shou nepuku cheni, pa jeye hike: AMPEU, Aqokitikhi Lhou ke!

AMUS 4:13 Referans Kwoze

AMUS 5:8

Püghüno süpemi eno Ayenokilimi lhosü keu, tsüküzü pesü tsüküvü shivetsü, eno puchou pesü putho shivetsü, azüghi zü ku püzü ayeghi shou leqhitsü chekeu, Pa je ye Ampeu ke;

MICAH 1:3

Kughengu julo, Ampeu ye Pa kungo-a lono cheni, Pa no iqighi no ayeghi lo qhemghaike-aqo neda nani.

AMUS 9:6

Pa no atsütsü lo akuchuquu chebo shipüani eno ayeghi shou ajolha shipüani; Khuu no azüghi zü kuno ayeghi shou leqhitsü cheni keno, Pa je ye Ampeu ke.

ISAIAH 47:4

Ni Xachilekuluu, aqokitikhi Mpeu no Israel Lhou Akimtheu ke.

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

LESHELE 65:6

Pa küka lono Pa no naghuto ghope qhike, Pa ye akughushu küka xapu ani;

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

AMUS 8:9

“Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

JEREMIYA 51:19

Jacob Lhou ye tipaqo toimoe, kughengu Pa no thokha lhoe, Israel ye Pa mheghi shiaye ke, Pa je ye aqokitikhi MPEU.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

ISAIAH 40:12

Khuu no au bokhu lono azüghi mighiju eno au küghüka lono atsütsü mighi juve akea? Khuu no ayeghimkhu pesü ashoghi lo süju momu ahu lono naghuto eno atoghiqo mighi juve akea?

ZAKINIU 32:13

Panoqo pelo qhemghai keu yeghi shou chewupe, alu lo pekighiqo chulupe, atuqu lono akhingozü chupe, eno atu yeghi lono thazü tsüe.

IPEKULU 14:20

Egyptmi aqokitikhi ngo Israelmi aqokitikhi dolo ngove. Eno tilehi khüngküsü no halau ye aküzü süghitsü eno halau no aküvü süghi tsü kehu putho kupuju khunomu khuu phivilo ighilu move.

IPEKULU 10:22

Ikehu Moses no atsütsü küdau pa u peqhe, ikelo atsala küthü kutolo Egypt yeghi kümtsü lo aküzü kutho ighive.

John 3:8

Amülhü no khila mülhü wunishi keno tila wucheni eno nono tipau sütsa chilu cheni, ikemu ti ye khilano ighi momu khila wucheni keno no ye mthae. Aghungu lono punuve kemi ye titoike.”

HABAKUK 3:19

Ampeu, Alhou ye I kumto; Pa no I pukhu pe ashe pukhu toi shino akiqhe-a lo chewulu peke. Akighilebo pesü ale shikükau lau.

AMUS 6:8

Ampeu Alhou ampi no tushoqhivae, ipi Ampeu, aqokitikhi Lhou no sheshu: “Ni ye Jacob qheküza kuchhube paw sükusho-aqo mithi, I no aphughi eno tile akemi pesü aghümi tsüve nani.”

AMUS 5:27

ikehu I no Damascus nguno hulau nongu hakiphi sawuve nani,” ipi Ampeu khuu je aqokitikhi Lhou keno Pa no piani.

AMUS 3:13

“Inilo, eno Jacob lagha lakichile shepe shilo,” ipi Ampeu Alhou, aqokitikhi Lhou no shuphe ani.

JEREMIYA 51:16

Pa no atsa pi aye, atsütsü lo azü no mqhu ipeghi cheni, Pa no ayeghi shekha no atsüzü ipeghipe cheni. Pa no tsütsüghu ghenguno tsütsüpha mla cheni; Pa no hekütsü püakeu ki lono amülhü süghi cheni.

JEREMIYA 10:13

Pa tsa lono atsütsü lo azü no mqhumza ighae, Pa no ayeghi shekha lono khüngküsü ipeghipe. Pa no tsütsüghu ghenguno tsütsüpha kulo, eno Paw pekükütsü ki lono amülhü saipeghi cheni.

ISAIAH 48:2

Kughengu panongu ye akimthe phughi je lono kucheni, eno Israel Lhou qholo xücheni; Pa je ye aqokitikhi Mpeu.

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

LESHELE 147:18

Pa no atsa pi kelo mürasü no azü ilhouve; Pa no amülhü puwu kelo azü no qowuke.

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 135:7

Pa no khüngküsü pelo ayeghi shekhau no ikughipe cheni, Pa no tsütsüpha mlake, eno amülhübo lhaphe cheni.

John 2:25

Pa ye timi ghili ithi nike thopi khumu avehupu shimoe, kughengu pa ampi no timi lolo kiu akeno ithi ae.

MATTHEW 9:4

Ikemu Jisü no panoqo kükümsü vethalu akehu pi, “Kushiye nongu mlo lo alhoksa likhi kümsüpu acheni kea?

DANIEL 2:30

Ikemu I ghengu ye, tuqhou küsü püakeu hipau I lau pephe piye keu ye xüakemi kümtsü dolo kiuala lokütsü kütami nguno alau I no aghike ghenguno kumoe, ikemu hekupho huye akükau pelo ithiluve penike eno o pelo o lolo kükümsü ithilu peniye ke.

JOYIL 2:2

aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

JOB 9:7

Pa no khetsünhe azah tsüve aye tino ipeghi move cheni; eno ayepuqo nhape qhive cheni;

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

JEREMIYA 46:18

“Akükau khuu je aqokitikhi MPEU keno xüküau no sheshu, naghutoqo gholo Tabor toi, eno azüghi phivilo Carmel toi milakhi ighi nani.

HOSIYA 12:6

“Ikehu no ye o Lhou kukuphu vecheo ideighilo, iqemokeu kikimiye eno kuchou xakütha mtotoi tsüqülo, eno tamono o Lhou khealo.”