AMUS 3:8 - Sumi Naga CL (Re-edited) Bible (BSI)

⁸ Abongshuu no igha kelo khuu no msa moni kea? Ampeu Alhou no piqhive ake khuu no tungkuptsa sheshu moveni kea?”

BAIBEL (BSI)

⁸ Kughou abongushuno ighani keno khuno musamove kulupu kya? Kughou AMPEU Alhou no pikeno khuno pa tsape asheshumove kulupu kya?

AMUS 3:8 Referans Kwoze

Apostolmi 4:20

kughengu ningu ye kiu ithulu eno chiluve akeno pimono amlavae.”

AMUS 3:4

Abongshuu ye tsüqhi kepu lhoxü küha kelo aghasü lo ighani keshea? Abongshuu lhothe ye kiumu tsüqhilu moaye pa ki lono ighani keshea?

JEREMIYA 20:9

I no, “Ni ye Pa je pimoae, eno Pa je kumoae,” ipi aye, Pa tsa no I mlo lo eno I saghilo ami toi pitiqhi cheni, ni ye tipau mtupe ngokeu no qeive no tokümlapu shivae.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

Piyeküsü 5:5

Tileno layemi gholo lakhi no I vilo pi, “Qa tavelo; julo, Judah shiaye lo Abongshuu, David kuhu aghü, huno theqhi luvae, ikehu Pa no michida tsüni lhave no liküküzü kaku xükho nani.”

1 Kor. 9:16

I no atsakiviu sheshuke ghenguno ni ye kiumu qheza kepu kühae. Kughengu tishi peniye azah I tsü püani. I no atsakiviu sheshumo aye I hasapue!

AMUS 2:12

“Ikemu nongu no Nazirmi pelo atsaiji shope eno tungkupmi vilo, ‘Nongu ye tungkuptsa pimla’ ipi azah tsü.

Apostolmi 5:29

Ikemu Peter ngo apostolmi no khochile, “Ningu ye timi nguno alau Alhou gholu masae.

Apostolmi 5:20

“Wuno achineki lono Aküxü hipau tsa pesü timiqo vilo pilo.”

ISAIAH 31:4

Ikehu Ampeu no I vilo ishi pie, “Abongshuu no lhoxü tsüpe akelo ambekhemi no igha anamu pa kichimla momu hapupo mla ketoi, Aqokitikhi MPEU ghi aghü shini kehu Zion Toghi lo iqighi nani.

EZEKEL 29:21

“Tipa tsalani I no Israel laghami ghenguno akibo lakhi pipetsü nani, eno I no panoqo gholo o kichi xükhotsü nani. Tileno panongu no Ni ye Ampeu kepi ithi nani.”

ISAIAH 21:10

O Iw timi athi toi qolepe fuleve keqo, aqokitikhi MPEU, Israel Lhou launo I no chilukeu pesü nongu lau pikülhatsü ani.

JEREMIYA 26:12

Tile Jeremiah no hiyampemi eno timiqo vilo pi, “Ampeu no aki hipau eno mishighüna hipau mjochile keu tungkuptsa pi penike I puwu keu nongu no chiluvae.