AMUS 3:2 - Sumi Naga CL (Re-edited) Bible (BSI)

² “Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

BAIBEL (BSI)

² “Ayeghiqhalo ashiayeh akemi gholo niye nongu likhi ithi eno tuchohijuke. Tighenguno nongu xineye akichiqhipuke eno tishi kehu tipau ghenguno niye nongu ghimeqhi masake.”

AMUS 3:2 Referans Kwoze

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

ZAKINIU 10:15

Ikeghi ashiaye kümtsü dolono Ampeu no nongu puasü eno pano polo kughukomi qhuivü, eno ishi kutolo tishi aphie.

Rommi 2:9

Jewmi paghi eno Greekmi ghi, khunono alhoksa mla cheni keno kümtsü ghenguno aghime kitikhi eno kushuküqha anani,

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

EZEKEL 9:6

Kitemiqo vejoi pithive lo, lhothemi eno ilimi, itimi eno topumi pithive lo, ikemu khunoqo shou amchipu ani keno tipaqo lakhimu bukevilo. Eno I chineki lono huthulo.” Tighenguno panongu no achineki lo akemi layemiqo launo huthu ke.

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 13:21

Nono o küsami shi penike shika keqo no o kütsü shou ikughive kelo no ye kiu pilu nani kea? Totimi no apunu küsü sü aketoi no ye küsakushu no o tsügha luve moni keshea?

JEREMIYA 11:22

ikehu aqokitikhi MPEU no ishi piani: “Julo, I no panongu ghime nani. Panow apumiqo no ghüyi lono wonani, pano tianuliqo no püqümiye lono thinani,

JEREMIYA 10:25

O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 9:25

“Julo, atsala ye cheni, ipi Ampeu no asheshu, khunono ashi lono aphighüyiko gha keno pano ghime nani

JEREMIYA 1:15

I no ahuu kükaqha shiayeqo kukumqo ani, Ampeu no pi, eno panongu no ighi no lakhikhi no Jerusalem khagho kulaghi lo pa kükalakhü süsüpe qhinani, tipau tupi hokümxa kümtsü eno Judah lo mishighüna sükümxa kümtsü bothape qhinani.

ISAIAH 63:19

Ningu ye No ye khilemu ni shou ayepe püaghimo kemi toivae, eno O je vecheo ku püaghimo kemi toivae.

LESHELE 147:19

Pa no Jacob lau Pa tsa sheshu, Pa zakütsü eno pimheye Israel tsüke.

ZAKINIU 26:18

Eno ishi tsala lono Ampeu no piqhike toi nongu ye Paw akughupu mheghi kepi shuphevae, eno Pa zakütsü kümtsü pelu lo pivae.

BOTHUBO 10:32

Hipaqo no Noah nuli lagha, pano laghaphi kiqi lono shiye ikowo keu, eno züqozü thiu hipaqo launo ayeghi lo shiyeqo ikowoke.

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

NAHUM 3:4

Hi kümtsü kütüqhalimi loji no jukivi eno akithipu gha pesü kütüqha keu ghenguno ke, li no kütüqha keu eno züküghüzü keu gha pesü shiye eno timiqo thechuvae.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

ZAKINIU 32:9

Ikemu Ampeu saje ye Paw timiqo ke, Jacob no Pa mheghi saje shilue.

1 Kor. 8:3

Ikemu khuu no Alhou kimiye cheni keno, Alhou no pa ithi ani.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

ZAKINIU 4:32

“Wove keu tsala lo nongu punu mphilo tsalaqo lhejulo, Alhou no ayeghi lo timi lhoke tsala lono ishi kutolo lhekide julo, eno kungugha halau no halau kutolo lhejulo, khilemu hitoi ke kümla kije shipüani kemo kea, momu chilu püani kema?

EZEKEL 5:9

Nonguw aphikümqhüpu kümlaqo ghenguno nongu lau khilemu shiju mphikeu I no shiniye ani, eno khikhi nongu lau shiniye ani keno titoi keu ye itaghi khilemu shimo nani.

HOSIYA 5:3

I no Ephraim ithi ani, eno Israel ye I launo itshümlae; O Ephraim, itehi kutolo no ye kütüqha aphi; Israel ye shi kuchhubevae.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

AMUS 3:3

“Pulokilemo kelo mikini ye kümtsa chewu luni keshea?

AMUS 6:1

“Zion lo akuchhoma shi akemi, eno khunono Samaria naghuto lo ililai ani keno, shiye dolo ajekipimi atüghümi, khunoqo lau Israelmi no wu acheni keno ahasapue!

MICAH 2:3

Tighenguno Ampeu no piani: julo, Ni ye akibo hipau shou amhekiqi kughupe ani, tipau lono nongu xaphemla nani, eno nongu no aqheküzashi ala chemove nani, kughengu ti ye amhekiqi doke.

IPEKULU 32:34

Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”