AMUS 2:4 - Sumi Naga CL (Re-edited) Bible (BSI)

⁴ Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

BAIBEL (BSI)

⁴ AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

AMUS 2:4 Referans Kwoze

EZEKEL 20:24

kughengu panongu no Iw pimheye gholu move, I khuaye milive eno Iw Sabbath shikitiqeve, eno panongu nhethi no pano puasüqo süatu julho shou jupuku auveke.

EZEKEL 20:16

kughengu panongu no I khuayeqo milive eno I yezahqo pemove ke, eno Iw Sabbath shikitiqeve; kughengu panoqo mlo ye pano sü-atu julho lau wuveke.

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

HABAKUK 2:18

“Ayi julho kiyiqiu no akoghe mlaphe keu, pishikiqhi shika chekeu huye kiu ala ani kea? Kughengu atsa pikümla julho mla kelo akümlau ye pa no mlaphe keu pükhübe cheni!

HOSIYA 12:2

Ampeu no Judah nguku ani Jacob no mla püakeu kiqi lono pa ghime nani; pa kümla kiqi lono tsüchile nani.

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

Rommi 1:25

ti ye panongu no Alhouw kuchou vehu pesü akimki sasü küsükilive, eno Pulhoküsüu, khuu pülhapuju lo sheqhe aküzüpu keno, iyei, tishi pelo, Pa züqhulo pulhoküsü thime mlla eno huthu auve keu lono ke.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

EZEKEL 20:18

“Asayeqha lono I no panoqo tianuli vilo pi, Nongu puasüqo yezah lo cheche kevilo, panow pimheye pape kevilo, momu pano sü-atu julho vecheo nongu shikitiqe kevilo.

JEREMIYA 9:14

ikemu panongu no kuthovi ghi pano pulou pape wuve eno pano puasüqo no shika ketoi Baal lhouqo pape wuve.

JEREMIYA 8:9

Alokütsümi ye shikukujo nani; panongu ye aghüthisüve no meluve nani; julo, panongu no Ampeu tsa milivae, tishiaye panongu gholo kiu lokütsü ani kea?

NEHEMIA 1:7

Ningu no O zülo kixikila shivae eno Nono Ayezah ngo akhuaye khikhi O qeu Moses vecheo ni tsü keno tipaqo pemove ke.

KUKAMI AKINIU 17:19

Judah ghi Ampeu pano Lhou zakütsü pemove, eno Israelmi no peche keu khuayeqo haluve.

1 Peter 1:18

kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

HOSIYA 6:11

Kughengu, O Judah, o ghengu ghi ghile do ye kutovae. Ti ye I no Iw timiqo küakini tsüchileni keu doke.

EZEKEL 22:28

Liw tungkupmi no panoqo ghenguno metsüghoi keu no nuda ketoi nudave tsüno kichile kungunhetsü ithulu eno akimki saqhi tsüno Ampeu no piqhimo keghi, ‘Ampeu Alhou no ishi piani,’ ipike.

EZEKEL 22:8

Nongu ye Iw akimthe thimeqo thaigha eno Iw Sabbath shipixivae.

EZEKEL 20:30

“Tighenguno Israel kibolomi vilo pilo, Ampeu Alhou no ishi piani: Nongu ye no puasüqo ghola lono nongu ampi shikitiqe eno panow aphikümqhüpu thimeqo pape kütüqhani keshea?

EZEKEL 13:22

I no amikuchomi püqapunu mo keghi nongu no akumou lono amikuchou ghüthi püsüve tsü, eno kixikilami shikumto no pa pelo kixikila laghi lono tsüghü idelu no pa küxü xalu pemoke ghenguno

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

JEREMIYA 6:19

O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

ISAIAH 44:20

Pa ye ayevu chu auvae; aghüzünikha no pa saküghüzü auvae eno pa ampi xaphemla momu ishi pimlae, “I u ajeu akimki kühave akeshea?”

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

YEKIKITHI AKINIU 30:7

Nongu ye no puasü eno no thiküzümi no Ampeu Alhou lau amikucho shimove ketoi kevilo, kughengu nongu no ithulu anike Pa no panongu pighive ke.

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

JEREMIYA 16:11

Panongu vilo pilo: ‘Kughengu no puasüqo no I kümsümave ke, Ampeu no asheshu, I kümsümave eno I yezah pheve no kütau lhouqo huthu eno mllauve, panongu mlo kümka lhoksa pape wuve no I tsa ini move,

AMUS 1:3

Ampeu no ishi piani: “Damascus xine küthü ghenguno, eno bidi ghenguno, Ni ye aghime süchilemo nani; kughengu panongu no chisheda keu yikhumu pesü Gilead chisheqhi ke.

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

YEKIKITHI AKINIU 25:14

Amaziah no Edommi toluve no ideighi kelo pa no Seirmi lhou julhoqo süghi, eno pa lhou shi ghope qhino mlla ghi akümllagho tsü.

JEREMIYA 17:27

Ikemu nongu no I tsa inimo, Sabbath tsala akimthe shi qhimo, akho xapusü Sabbath tsala lono Jerusalem khagho veche ilo aye, I no ghapinhe mlakeu mi pesü Jerusalem khaghoqo eno liw jukivi kighikiqo pitive tsü nani.’”

HOSIYA 12:3

Aza po lono pa no amu phitsü tsüqü luve tsü, eno pa no kichimi shive kethiu ye Alhou sasü kumjoe.