AMUS 1:11 - Sumi Naga CL (Re-edited) Bible (BSI)

¹¹ Ampeu no ishi piani: “Edom xine küthü ghenguno, eno bidi ghenguno, Ni ye aghime süchilemo nani; kughengu pa no azütakikihi pesü pa thiküzüu haqhi eno küpükini piyemoe, ashekha küha amloide eno pa loghu pülhapuju xapu ke.

BAIBEL (BSI)

¹¹ AMPEU no pi, “Edom lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno panoqo thikuzumi Israilmi ashi hakeshi haqhike eno kitilamu panoqo shou kupukeu kuhake. Panongu mulo kighideye ashekha kuha eno khilemu tipau hauve pemoe.

AMUS 1:11 Referans Kwoze

YEKIKITHI AKINIU 28:17

Kughengu Edommi no itaghi Judah leve eno akughumi küghape wuve.

MALAKI 1:4

Tsala Edom no, “Ningu ye kütsalevae ikemu ningu no tipaqo shiqhe kitheni,” ipi aye, aqokitikhi Mpeu no, “Panongu no shiqhe anamu I no xaleqhive tsü nani, panongu pesü ‘küsakügha ghakhu,’ eno ‘pülhapuju Ampeu mlokighide ye timi hipaqo shou ani,’ ipi nani.”

JOYIL 3:19

“Judah timiqo lau alhoksa shike ghenguno Egypt ye pighive nani, Edom ye yenguyike-a shive nani, kughengu panongu no Judah lo pimimo kemi ji pele ke.

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

YETSAPIU 7:9

O mlo lo lolhülo axuide kevilo; kughengu axukighide ye anikhami mlo lo acheni.

ZAKINIU 23:7

“Edommi jumithi moni, kughengu panongu ye nongu thiküzümi ke. Egyptmi jumithi moni, kughengu ghuthu lakhi lo nongu ye pano yeghi lo kachenami shi acheke.

Ephesiami 5:1

Tighenguno Alhou no qhuivü keu nuliqo akehu Alhou kimihi shilo.

MALAKI 1:2

Ampeu no pi, “I no nongu kimiye ke.” Ikemu nongu no pi, “No ye kishi ningu kimiye kea?” “Esau ye Jacob pamu kekumo?” ipi Ampeu no asheshu. “Ikeghi Ni ye Jacob kimiye

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

LESHELE 85:5

No ye pülhapuju ni lau amloide anani keshea? No ye tiqheli kümtsü lo O mloide anani keshea?

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

YEKIKITHI AKINIU 20:10

Itehi julo, Ammonmi, Moabmi, eno Seir Toghi lo kungomi khunoqo Israelmi no Egypt lono ipeghi ke ghuloki lono Nono lelu pemove eno Israelmi no tipaqo mxüsü wu kemu kütsa move keno—

YEKIKITHI AKINIU 20:11

tipa jume shi panongu no Nono ni tsükeu mheghi yeghi lono ni hapheve niye ani.

HOSIYA 8:3

Israel ye akivi milivae; aghümi no pa hasü ighi nani.