ALE KIMCHI 8:1 - Sumi Naga CL (Re-edited) Bible (BSI)

¹ O pelo I za kichhizü no loji puthukeu I mu shiaghi penishi nolae! I no o sholu no o müma namu khunomu I jukünatha moniche.

BAIBEL (BSI)

¹ Niye opelo ipeu shiaghi penishike, iza pelo pa kichhi opini pekeu shipenishike. Tishikeaye, ino alaghilalo osasu kugholu kelo niye omuma nicheke eno khunomu kiumu kumsupusamo nicheke.

ALE KIMCHI 8:1 Referans Kwoze

Galatiami 4:26

Ikemu kungugha lo Jerusalem akeu huno ililai keu totimi, li ye ningu paza ke.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

Luke 2:38

Tipau süchedo lo li no panoqo lau ighi no Alhou shikimthi thuve, eno khunono Jerusalem xachile luni keu tsala khelho chekeno kümtsü vilo anu ghili pesü pi thuve.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

HAGAYI 2:7

I no shiye kümtsü süküthü nani, tishikeu lono shiyeqo küakini kümtsü ighi nani, eno I no ajuküvü pesü aki hipau shepichhi nani, ipi aqokitikhi Mpeu no piani.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

1 Kor. 1:28

Ayeghi lo akhotopu thimeqo pesü avehu kühave tsüniye Alhou no chuninhei eno jukünatha kemi, eno avehu kühakeu thimeqo kishelu,

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.

John 3:13

Kungugha lono milakhi iqighi keu, Timi Nu thono khunomu kungugha lo ikuju mphie.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

Luke 18:9

Itaghi Jisü no kimghikipiye hipau pesü khunono alikhi apülüpivi no amikucho kepi pükha püzü kütami jukünatha chekeno, tipaqo vilo pi:

Luke 12:8

“I no nongu vilo piani, khukhumu aqha zülono I je piphetsü keu ye Timi Nu ghi titoi Alhouw kungumi zülono piphetsü nani.

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

Luke 9:26

Khuu no ni eno I tsa ghenguno kujoveni keno Timi Nu ghi kughou pa juküvü eno Papu ngo kimthe kungumi juküvü lono ighini keno, pa ghenguno kujove nani.

ALE KIMCHI 1:2

O kichi pesü I müma lo! Kughengu o kikimiye ye atsaizü nguno akiviu ke;

LESHELE 51:17

Alhou lau aghakishi ye aghungu lo mlominyi keu ke, O Alhou, No ye küghüta kughuju mlo jukünathave chemoe.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

ALE KIMCHI 7:13

O I qhuu, zünilobo no axo kivi tsü nani, eno axathi kivi, aqau ngo akitheu kümtsü ni hukikha phivilo I no o sala qhipüa tsüae.

ALE KIMCHI 8:2

I shika chekeu I za kilo I no o sawuni cheke. I no mülüi keu tsaizü, Iw khaghatu zü o piyeni che.