ALE KIMCHI 7:4 - Sumi Naga CL (Re-edited) Bible (BSI)

⁴ O kuo ye akühahu ghukhe qogheki toie. O nhethi no Heshbon lo Bath-rabbim khagho lo azükhe akeu toike. O nigipe ye Lebanon ghukhe qoghe no Damascus küdau jupuwo akeshie.

BAIBEL (BSI)

⁴ Oku-oye akuha huno aghukhu-a shikeu toi. Onhethiye Heshbon phughilo Bath-rabbin khagho phivilo azukucho akeu toike. Onigipeye Libanon lo aghukhuano Damaska phughi kudau khekuto akeu toi jukivike.

ALE KIMCHI 7:4 Referans Kwoze

ALE KIMCHI 4:4

O kuo ye David ghukhe qogheki atu pesü ajoshi mlapuku no tile aghütomi züto qhethonhe pufu püakeshie.

LESHELE 144:12

Ni punoqo pelo pano lhothe lo mtotoike süboqo toi pelo, ni ngaqo pelo akighiki lo acheku tsükuchoqo toi pelo;

IBRIMI 5:14

Ikemu akümka chuqupu ye kichimi, khunono akivi aküsa dolo kütüta shiniye kimchikulupu küka lono qophe puthupe alhokuthu pepimhe acheni keno, panongu ghenguno ke.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

ALE KIMCHI 6:5

I launo o nhethi kughovelo, kughengu tino I mhoqhive ani— Ane loji no Gilead qhelo kuhakive iqiche keshi o sa ye sasashi jukivie.

ALE KIMCHI 4:1

O I lomi, no ye aju kivi, ighono juvie! O gi künhaphi thiu o nhethi huye miqhedu toi mtshaminhei ke. Ane loji no Gilead qhelo kuhakive iqiche keshi o sa ye sasashi jukivie.

ALE KIMCHI 1:10

Amekusho thime no o ju kivi gholo küpha, o kuo lo ameshoyi chila huno aküzüqhiyi ke.

LESHELE 45:8

Ow chijeboike phi ye myrrh, aloe, eno cassia xono chhitoi. Akühaghi no ananu shikeu kighiki lo akighilebo no o lopivi tsüe;

YEKIKITHI AKINIU 8:6

eno Baalath ngo tinhemgha eno kuchukini kikepe qhiche keu mishighüna kümtsü, paw khurkulu ngo khurshimi mishighünaqo, eno Jerusalem, Lebanon, eno pa kükaqha lo pa no khile mlanishi keno, kümtsü lo mlake.

KUKAMI ATUGHIU 22:39

Ahab kümla kütau, pa no akühahu ki shikeu, mishighüna shiqhe keqo ye Israel Kükami Yekikithi Kaku lo yepüani ke kumo keshea?

KUKAMI ATUGHIU 10:22

Kughengu akükau ye Hiram zükilu gholo pa zükilu kutomo ache eno ampe aküthükü lo paw Tarshish zükiluqo no ameshoyi, ghükayi, akühahu, ashuki, eno awughidu, ishi xapu ighiche.

KUKAMI ATUGHIU 10:18

Akükau no akühahu kükalakhü ghi kije mla eno thakimtheve keu ameshoyi no küzüve.

KUKAMI ATUGHIU 9:19

chuqu-kusho pekütsü chekeu phughi kümtsü, paw khurkulu, khurshimi ghenguno aphughiqo, eno Jerusalem ngo Lebanon lo eno pa no qhasülu keu kükaqha lo pa no mlanishi akeqo kümtsü shiqhi luve.

KUKAMI ATUGHIU 7:2

Pa no Lebanon Ghasü Ki no achebo akijeu mla, akushulau aunhekipshe 150, akijelau aunhekipshe 75, eno akiqhelau aunhekipshe 45, ti ye cedar no atsükucho ajo bidi shi, eno akika shike.

SAMUEL AKINIU 8:6

Tithiu David no Damascus Aram lo ghüshimi ghazü qhive, eno Syriami ye David qemi shive no zame süghitsü. David no khile wu keno Ampeu no tokulu tsü.

BOTHUBO 15:2

Ikemu Abram no pi, “O Ampeu Alhou, ni ye anuhami shi achephi, eno I mheghi kiyighiu ye Damascusmi Eliezer ke No ye kiu I tsüni kea?”

ALE KIMCHI 4:5

O kichhi küma ye asheti kini toi, achuyi pitikishe küma no lapu xamunuli lo achu mzache keshie.