ALE KIMCHI 6:9 - Sumi Naga CL (Re-edited) Bible (BSI)

⁹ Iw miqhedu, kupukülai keu ye li likhike, li ye paza polo li likhi, eno aza mlo kuchuuke. Ilimiqo no li ithulu no akishe tsücheni; akükau nipu ngo amishiuqo ghi li sheqheke.

BAIBEL (BSI)

⁹ Ikemu niye milakhi likhi kimiye ani, eno liye miqhedu lakhi toi jukivike. Li pazaye anga li likhike, azano qhuivulai chekeu nga lakhike. Totimi kumtsuno li jupesu li sheqhe; kukami nipu ngo alojilimino li sheqheke.

ALE KIMCHI 6:9 Referans Kwoze

ALE KIMCHI 2:14

O Iw miqhedu, atu nhepho lo eno atuxu cheku lo itshü akeu, I pelo o gi ithulu eno o sütsa chilu pelo, kughengu o sütsa ye jumghai eno o gi ye juvike.

ALE KIMCHI 5:2

I no zühuju kemu I mlo ye ithu ae. Asütsa lakhi! I qhuu aki kukhu ani. “I lomi, I chepu, I khaqhisü lo, Iw miqhedu, Iw kupukülai keu, kughengu I kütsü ye atsüzü no pütsavae, putho tsüzü kighiji no I sa ghoküna keu dadaivae.”

LESHELE 45:9

kükami ngaqo no o gigihupu totimiqo gholo ani; o u ajeu kükaliu no Ophir meshoyi pepusü puthugho ani.

BOTHUBO 30:13

Eno Leah no pi, “Ni ye alovi anie! Kughengu totimiqo no alokiviu ipi I kue.” Ikehu li no pa je Asher kuvetsü.

Galatiami 4:26

Ikemu kungugha lo Jerusalem akeu huno ililai keu totimi, li ye ningu paza ke.

LESHELE 126:2

Kunuvüqai keu no ni kichi chhitoive, eno ni kichi lo alokivi ghügha no chhitoi ke; tileno shiyeqo dolono ishi pi, “Ampeu no pano ghenguno thime kije shive tsüae.”

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

AKIKIHI 23:9

Kughengu qhemghai keu tuqu lono I no panoqo ithulu ani, atoghiqo lono I no panoqo ju ani; julo, hipa shiaye ye lomoshi xü ani, eno shiyeqo gholo kihisü amoe!

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.

KUKAMI ATUGHIU 11:3

Solomon no kükalimi anipu 700 ache eno alojilimi no 300 ache. Pa nipuqo no Alhou launo pa mlo sabideve tsüe.