ALE KIMCHI 5:1 - Sumi Naga CL (Re-edited) Bible (BSI)

¹ I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

BAIBEL (BSI)

¹ Imlokuchuu, iwu kulaliu, niye ighutulo iloghiluvae. Niye vekuju mukhu ngo musughuta pekutsu ani; niye akhingozu ngo akhi kutsu chu ani. Niye atsayiji ngo akichhizu ye ani! Akusamiqo, kikimiye shomzumoke kutolo chu-sho alo!

ALE KIMCHI 5:1 Referans Kwoze

ALE KIMCHI 6:2

I qhuu ye pa ghutu lo iqivae, pa tsü-aqu achu kümza eno lapu xoniye tsüngqüikeu tsünibo ghutu lo iqivae.

ALE KIMCHI 4:16

Ithulo, O ahuu mülhü, Ighilo, O apeu mülhü! I ghutu shou mülhü pukulo, tipau xokütsüngü no vechighi müna pelo. I lomi pelo pa ghutu lo ighi no tile axathi akiviu chu pelo.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

AHOLE 9:5

“Ighilo, I no kuto püakeu libe chu eno I tsaizü sholo.

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

Luke 12:4

“I küsamiqo, I no nongu vilo piani, aphimpi pithive tsüni kemi msa kevilo, tinguno alau panongu ye kiumu shilu moae.

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

ISAIAH 65:13

Tighenguno Ampeu Alhou no ishi piani: “Julo, I qemiqo no chu nani, ikemu nongu ye müzüthi nani; Julo, I qemiqo no sho nani, ikemu nongu ye tüghüthi nani; Julo, I qemiqo no alovi nani, ikemu nongu ye kujomza kepu shinani;

ISAIAH 61:11

Ayeghi no apiti lhophetsü ketoi, eno aghutu no athi yisü püakeu lhophetsü ketoi, Ampeu Alhou no achipiu-mikucho ngo shekiqhe pesü ashiaye kümtsü zülo mini ipeghilu pe nani.

ISAIAH 58:11

Eno Ampeu no tamono nongu mijetsü nani, eno küsakusho lo ghi nongu pulou shitsü nani, nongu saghi shikumtotsü nani; eno nongu ye azü no pütsüve keu ghutu toi nani, eno azü hauvemo keu ghoki toi nani.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ALE KIMCHI 8:13

O no khuu aküsami no o tsa ini aghutu lo acheni keno, ni ghi ti chilu pelo.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ISAIAH 23:18

Li no kimje kelono ala shilu keu eno li jume ye pekütsü momu kike mono akimthe shi Ampeu tsü nani. Khunono Ampeu nhethe lo acheni keno, tipau pesü pano chuqupu ngo aphimini kivi kupukuno shi qhütsü nani.

ISAIAH 5:1

I no I qhuu ghenguno kikimiye le pesü pa tsailu shipili pheni: I qhuu no ighono aghüma kivi toghi lakhi lo atsailu ache.

ALE KIMCHI 8:1

O pelo I za kichhizü no loji puthukeu I mu shiaghi penishi nolae! I no o sholu no o müma namu khunomu I jukünatha moniche.

ALE KIMCHI 6:11

I no akhila lo asübo, atsaibo eno khaghatubo mini ani kemo keno juniye ghakuthili lo iqie.

LESHELE 16:3

Ayeghi lo kimthemi akeqo ye akighichemi ke, pano lau I züküvü kümtsü ani.

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

XAKUTHAMI 14:11

Kughou timiqo no pa ithulu keno panongu no apumi shighi pa gholo ngo penike saghitsü.

XAKUTHAMI 14:20

Eno Samson nipu pesü pa ghulhu lo pa küsau kiviu tsüve.

AHOLE 24:13

I nu, akhingozü ye aloke chulo, eno akhi lha lono ijiqighi keu ye ngonyi michelu cheni.

YETSAPIU 2:5

I no I sala aghutu, aghili-a eno axathili shino tipaqo lo axathibo jeli shosü.

ALE KIMCHI 1:13

I qhuu ye I kichhi dolo müsüghüta xinipu akeu huke.

ALE KIMCHI 4:8

Lebanon lono I lau ighive lo, Iw külaliu; Amana, Senir, eno Hermon toghi qhivelo, abongshuu tuki eno akhighiu ngushuu achekeu naghuto lono chevelo.

BOTHUBO 37:25

Tithiu panongu no chusho nike iqave. Panongu no jupuwo kelo Gilead lono Ishmaelmi aloji lakhi sayeshi lono ata, nukümtshau eno axokütsüngü pesü Egypt lo iqi cheghi.