ALE KIMCHI 2:14 - Sumi Naga CL (Re-edited) Bible (BSI)

¹⁴ O Iw miqhedu, atu nhepho lo eno atuxu cheku lo itshü akeu, I pelo o gi ithulu eno o sütsa chilu pelo, kughengu o sütsa ye jumghai eno o gi ye juvike.

BAIBEL (BSI)

¹⁴ Noye atu nhepholo itshuchekeu miqhedu toike. Ipelo ogi julu pelo eno olekiphe iniju pelo.

ALE KIMCHI 2:14 Referans Kwoze

ALE KIMCHI 1:5

O Jerusalem lo ilimiqo, ni ye tsüngtsüi kemu jukivie, Kedar lo aphiki toi, Solomon chineki lo nhaqhiphi toike.

ALE KIMCHI 8:13

O no khuu aküsami no o tsa ini aghutu lo acheni keno, ni ghi ti chilu pelo.

ALE KIMCHI 5:2

I no zühuju kemu I mlo ye ithu ae. Asütsa lakhi! I qhuu aki kukhu ani. “I lomi, I chepu, I khaqhisü lo, Iw miqhedu, Iw kupukülai keu, kughengu I kütsü ye atsüzü no pütsavae, putho tsüzü kighiji no I sa ghoküna keu dadaivae.”

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

Obadiah 1:3

O mlo lo aqheküza no o pishiqhivae, no khuu atuki qhemghai keu lo xü acheni keno, nono o mlo lono ishi pi cheni, “khuu no ayeghi lo I saiqighi kulupu kea?”

EZEKEL 7:16

Tsala khuana ghülu kemi no pokalu aye, panongu ye naghutoqo lo wuve nani, akhila lo amiqhi toi panongu milakhikhi no pütüta kipimi ghenguno mloqa nani.

JEREMIYA 49:16

No atuxu lo küxüu, atoghi kütsüqa pükhape achekeu, nono kichi kümsa eno qheza chekeu huno o pishiqhivae. Nono alhuqu toi qhemghai keu lo o püsü mla püaghi namu, I no tilano o sünheqhive nani, ipi Ampeu no sheshu.

JEREMIYA 48:28

“O Moabmiqo, aphughiqo qhive no atuqu dolo xüuve lo! Miqhedu no anhepho lo apüsü shiche ketoi no ghi tishilo.

ISAIAH 60:8

Khüngküsü toi yewu akeu hipaqo ye khuno kea? Amiqhi no alashe lo aketoi hipaqo ye khuno kea?

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ALE KIMCHI 1:15

O I lomi, no ye aju kivi, ighono juvie; o nhethi no miqhedu toi mtshaminhei ke.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

1 Peter 3:4

ikemu nonguw jukivi ye alolo nongu mpi kuchou akeu huno shilo, tino akümtsha eno iqünhei keu ghunguw shipüsa kümlapu jukivi, Alhou zülo ighono akughupu ke.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

Kolosiami 1:22

itehi ye Pa Nu kithi vecheo Pa lau alupekili luvae, eno nongu pesü akimthe, tukutiye eno tichetighe küha no Pa zülo saghi niyeke,

Ephesiami 5:27

eno akukuhou pesü tukutiye momu jekujeli kiumu kühano jukighilepu shi tsüghükhüi eno akimthe shi paw shiniye ke.

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

MATTHEW 3:16

Kughou Jisü baptiz shitsü keno, paikhavi pa no azü lono ithughi kemtsa, julo, atsütsü pa lau khaqhitsü, eno miqhedu no yewu chekeshi Alhou Ghungu iqighi no pa shou ngove keu pa no ithulu;

DANIEL 9:7

O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

ISAIAH 2:21

ti ye Ampeu no ayeghi süküthü niye ighi kelo timiqo no Pa loghu eno Pa kükanguagha zülono atuki eno anhepho kighipeqo lo itshü luni kehue.

ALE KIMCHI 1:8

O totimi gholo jukiviu, nono mthano aghi aye, atsü-aqu nepa shesü papelo, eno o netiqo sasü ambekhemi phiki phivilo no achu kümzalo.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

LESHELE 74:19

Ow timi ivünhei kemi pesü tüghashi tsüve kevilo; Ow timi athokhami alholo kümsümave tsü kevilo.

LESHELE 68:13

Apumiqo no ambeloji dolo ikiqi ihozü anamu, miqhedu chishibo ghükayi no küzüpe akeshi, eno pa mhi no ameshoyi akiviu no küzüpe aketoi ke.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

LESHELE 45:11

eno akükau no o jukivi jumine nani. Pa ye o mpeu ke ghenguno, pa zülo pishiqho lo.

LESHELE 22:3

Ikemu No ye akimthe ke, Israelmi no sheqhe chekeu kükalakhü lo ani.

JOB 9:16

Tsala I no Pa ku kelo Pa no I khochile püaghi namu, Pa ye I sütsa initsü akepi ni ye pülümo nani.

LESHELE 45:12

Tyremi no agho pesü ighi nani, kinimi no o mlo chuniye phuighi nani.