ALE KIMCHI 1:13 - Sumi Naga CL (Re-edited) Bible (BSI)

¹³ I qhuu ye I kichhi dolo müsüghüta xinipu akeu huke.

BAIBEL (BSI)

¹³ Ilopu ye ighenguno musughuta ikichhi dolo dape akeu toike.

ALE KIMCHI 1:13 Referans Kwoze

Ephesiami 3:17

tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

John 19:39

Püzüu putho lono Jisü lau ighikeu Nicodemus ghi tsüngqüikeu ta ngo aloe kitekungo keu gram 320 toike pesü ighi.

LESHELE 45:8

Ow chijeboike phi ye myrrh, aloe, eno cassia xono chhitoi. Akühaghi no ananu shikeu kighiki lo akighilebo no o lopivi tsüe;

ALE KIMCHI 5:13

Pa gimuchu ye axokütsüngü tsünibo ghutu toi mülüi ke. Pa mütsü ye lapu xamunu no axokütsüngü kighiji keue.

ALE KIMCHI 5:5

I no I qhuu khaqhi süniye ithu, I u loba lono müsüghüta thazü no iji ghi ahukikha küpta lo I u be.

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ALE KIMCHI 4:14

khungthibo, calamus, eno aküsabo, tsüngqüikeu mukhu tsünibo jeli, müsüghüta ngo aloe gholo jumghaikeu mukhu jeli toike.

ALE KIMCHI 4:6

Inaqhe mülhü ighi moke kutolo eno aküzü hauve moke kutolo, ni ye müsüghüta naghuto eno tsüngqüikeu mukhu toghi lo wuve niae.

ALE KIMCHI 3:5

O Jerusalem limiqo, I vilo piqhilo, nino kimiye kile akelo alopiqilu moke kutolo nongu ye vexa tsümonie pi aghasa lo achuyi ngo aqhu jeku I lau tushoqhi lo.

ALE KIMCHI 2:7

O Jerusalem lo ilimiqo; nino kimiye kile akelo alopiqilu moke kutolo nongu ye vexa tsümonie pi aghasa lo achuyi ngo aqhu jeku I lau tushoqhi lo.

BOTHUBO 43:11

Tileno panongu papu Israel no panongu vilo pi, “Tsala tishi kepu shi aye, hi shilo: aghakhu lo xathi akiviu hami, nukümtshau kitila, akhingozü kitila, ata, axokütsüngü, pistachio eno almond lothi ishi nonguw süqhu lo süpe no agho shi pewo timi hu tsülo.

ALE KIMCHI 3:6

Asayeqha lono amchhi kupho toi, lhidimi u lo tsüngqüikeu mukhu müsüghüta eno tsüngqüikeu ta no phochighi akeshi iqhoche keu ye khuu kea?

ALE KIMCHI 4:16

Ithulo, O ahuu mülhü, Ighilo, O apeu mülhü! I ghutu shou mülhü pukulo, tipau xokütsüngü no vechighi müna pelo. I lomi pelo pa ghutu lo ighi no tile axathi akiviu chu pelo.