AKUMLO 5:19 - Sumi Naga CL (Re-edited) Bible (BSI)

¹⁹ Ikemu, O Ampeu, Nono alholo ayepe ani; O kükalakhü ye tiqheli kümtsü lo ache nani.

BAIBEL (BSI)

¹⁹ Ikemu O AMPEU, noye alhokupuju lo akukauke, eno tiqheli tiqheli kutolo ayehpe nanike.

AKUMLO 5:19 Referans Kwoze

LESHELE 102:12

Ikemu O Ampeu, No ye alhokupuju kükalakhü lo iqa ani; tiqheli kümtsü lo No ye kümsülu acheni.

LESHELE 45:6

O Alhou, O kükalakhü ye alhokupuju eno alholo ke. O kükaküsü ye achipiu küsü ke;

LESHELE 145:13

O kükaqha ye lhokta kükaqha, eno O yekipeqha ye tiqheli kümtsü lo acheni. Ampeu ye Pa tsa lo pükhükulupu ke, eno Pa kümla kümtsü lo kimiyekini ke.

LESHELE 9:7

Ikemu Ampeu ye alhokupuju kükalakhü lo iqa ani; Pa no kuchou xakütha ghenguno Pa kükalakhü shiqhe,

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

IBRIMI 13:8

Jisü Khristo ye ighi, ishi eno alholo aphiphie.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

LESHELE 146:10

Ampeu no alhokupuju ayepe nani, O Zion, O Lhou no tiqheli kümtsü lo ayepe nani. Ampeu sheqhelo!

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

LESHELE 29:10

Ampeu no azüghi shou kükalakhü lo iqa ani; Pa ye alhokupuju akükau shi kükalakhü lo iqa ani.

LESHELE 10:16

Ampeu ye alhokupuju eno alholo akükau ke; shiyeqo ye pa yeghi lono pühavae.

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

John 1:38

Jisü no idewo pama no pa pape cheghi keu ithulu no iniju, “Nokujo ye kiu phucheni kea?” Pama no pa khochile, “Rabbi” (tipa kiqi ye Shikükau), “no ye khile ani kea?”

LESHELE 93:2

O kükalakhü ye mulho lono shosüvae; No ye shekhaha acheghi ke.