AKUMLO 3:22 - Sumi Naga CL (Re-edited) Bible (BSI)

²² AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

BAIBEL (BSI)

²² AMPEU wu ikiqivemo keu kikimiye ngo kupuqhiyikeuye achephi.

AKUMLO 3:22 Referans Kwoze

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

NEHEMIA 9:31

Ikeghi Ow kimiyekini kije lono Nono pano püghave mo momu qhive moe. No ye küpükini eno kimiyekini Lhou ke.

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

LESHELE 77:8

Paw iqemokeu kikimiye ye alholo kishekhave akeshea? Paw pikiqhitsa ye alhokuthu ghenguno tave akeshea?

LESHELE 103:10

Pa ye ni xine qhemi lono ni ghimeqhi chemoe, momu ni kipimi qhemi lono tsüchile chemoe.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

SAMUEL AKINIU 24:14

David no Gad vilo pi, “Ni ye ighono avesavae. Ningu Ampeu u lo ikiqiveni, kughengu Paw kikimiye ye kije ke; ikemu I pelo timi u lo ikiqi ilovepe kevilo.”

LESHELE 69:17

O qeu launo O gi küsü kevilo; kughengu ni ye aghime küsa lo ani; mtazü I khochile lo.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

DANIEL 9:9

Kikimiye eno akipimi qhikütsü ye Ampeu ni Lhouw ke, kughengu ningu no Pa hebideve