AKUMLO 2:17 - Sumi Naga CL (Re-edited) Bible (BSI)

¹⁷ Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

BAIBEL (BSI)

¹⁷ AMPEU no pano shini cheni kepi kichichekeu ashekha shivae: Pano ado kushuwa lono kutughu cheke toi kimiyemo mithe puzu ningu kutsavae. Pano nighumi pelo tokulu shipe eno nino veqhive keulo panoqo pelo alovivepe.

AKUMLO 2:17 Referans Kwoze

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

LESHELE 89:42

Nono pa ghümi u ajeu süqhe tsüe; Nono pa ghümi kümtsü pelo alovi peke.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

AKUMLO 1:5

Li ghümiqo no ampemi shivae; li ghümiqo no kinikülü shivae, kughengu li xine kitikhi ghenguno Ampeu no li ghimeve ke; li nuliqo ye akughumi shisü aghümi no sawuvae.

MICAH 2:3

Tighenguno Ampeu no piani: julo, Ni ye akibo hipau shou amhekiqi kughupe ani, tipau lono nongu xaphemla nani, eno nongu no aqheküzashi ala chemove nani, kughengu ti ye amhekiqi doke.

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

AKUMLO 2:8

Ampeu no Zion liwo kütsaveni ke mtsüqhei shivae; Pa no akimghipu süta xachho; Pa ye kütsani keu lono Pa u süchileve moe; aqoghe ngo aliwo pelo mloqape; tipaqo no kümtsa ikiqi khave.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

LESHELE 38:16

Kughengu I no pi, “I pukhu nepiyelu keu lo khuu no aqheküza shi keno pano pelo I shou alovipe kevilo!”

LESHELE 35:24

O chipiu mikucho lono I saphu tsülo, O Ampeu, I Lhou, eno panoqo pelo I shou alovipe kevilo!

LESHELE 35:26

Khunono I mhekiqi lo alovi akeno pano pelo akukujo lo ilove eno aghüthisüve pelo! Khunono I lachile ghi pano ampi sheqhe cheni keno akukujo eno küthakügha phimini pepu pelo!

ISAIAH 14:29

O Philistia, nongu ghimeche keu küsü ichevae pi alovi kevilo, apighi kuhu lono tsütsüla ipeghi nani, eno pa ti no athicho pighi toi nani.

JEREMIYA 4:28

“Hi ghenguno ayeghi no mlo nani, eno kunguu atsütsü no aküzü shive nani; kughengu I no piphevae; I no kughuvae; Ni ye kümsüchile monani, momu Ni ye ideighimo nani.”

AKUMLO 3:43

“O xukighide no O küzüpe ningu hakuqoe, eno kimiyemo no pithive;

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

ZEKHARIA 1:6

Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

LESHELE 89:43

Nono pa zütakikihi kütsügha pelo idechile ighipe, eno Nono pa pelo aghüshiqa lo puthugho pemoe.

JEREMIYA 40:3

Ampeu no ti shikupu ani, Pa no pike toi shivae. Nongu no Ampeu lau axine shive no Pa tsa gholu move kehu nongu shou hipau ikughi ani.

ZEFANIA 1:2

“I no ayeghi lono thokha joleve nani,” ipi Ampeu no sheshu.