AKUMLO 2:11 - Sumi Naga CL (Re-edited) Bible (BSI)

¹¹ Ni ye qakeno anhebo khoivae; I po no tsüghü minhe anie; Iw timi nga kütsave keu; aphughi laghila lo angakughunu eno itimiqo no thiqhi akeu ghenguno I tithizü ye ayeghi lo ijiqi ani.

BAIBEL (BSI)

¹¹ Inhethiye qake launo anhebo khoyivae; ingulhoye kutakihi ani. Niwu timi kutsave keulo niye amlo ghime launo lhokutuvae. Aphughi laghilalo itimi ngo anga kughunuqoye thiqhi thiqhi anike.

AKUMLO 2:11 Referans Kwoze

AKUMLO 1:20

“O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

JOB 16:13

Pa süzü kipemi no I boluve. Pa no I michilothi xülevetsü; eno I tithizü no ayeghi lo ijiqighi namu süchileve moe.

JEREMIYA 4:19

I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

ISAIAH 22:4

Ikehu I no pi: “I likhi qhivelo; I pelo kukhukimji shi mlo pelo; Iw timi kütsave keu lo I lokughuno tsüniye pükapütsa tsü kevilo.”

LESHELE 22:14

Azü toi ni ye ayeghi lo leqhivae eno I ghi kümtsü süküqüpe ani; I mlo ye aghügha toivae; I mla dolono mlaghubeivae;

LESHELE 6:7

Amloksa no I nhethi chuchumiyivae; I ghümi kümtsü ghenguno I nhethi qeivae.

Luke 23:29

Kughengu ishi pikepu tsala cheni, ‘Totimi khunono atianuli küha, anga kughunu lojiputhu jumo keno akümghapue!’

JEREMIYA 44:7

Itehi aqokitikhi MPEU, Israel Lhou no ishi piani: Nongu ye kushiye no shou alhoksa kümla kije hipau shi ani kea? Kushiye Judah lo kiptimi, totimi, itimi, eno anga kughunuqo lakhimu ghülu pemono kütsale keu süghi ani kea?

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

LESHELE 69:3

I ghügha no ni ye lhovae; I kughoki no qhaivae. I Lhou ngokhe keu huno I nhethi ye chuchumiyivae.

LESHELE 31:9

O Ampeu, I küpüqhiyi tsülo, kughengu ni ye shilusa ani; I nhethi, I ngulho eno I phimpi ghi amloghuju lono aküka kühavae.

SAMUEL ATUGHIU 30:4

David ngo paw timiqo no aküka kühave no akulho shimoke kutolo ighamku qae.

ISAIAH 38:14

Akhalu momu azüghau toi I sütsa ye tsütsüshi ighauvae; amiqhi toi akulhoshi igha auvae. I nhethi no kunguu jukeno khoivae. O Ampeu, I qaqhipe akelo I xaphetsü kepushi tha-lo tsülo!

JOB 30:27

I lolo tubonoli no mqhomzai no khilemu iqüghai mlae; kushuküqha tsala no I sasü kusho niye ighivae.

LESHELE 38:8

Ni ye miqemlei eno chishedape ani; I mlo kütakihi keu ghenguno I no mloqae.

LESHELE 119:82

I nhethi no O shoqhi khekulho shi ani; I no iniju, “No ye kughono I lokughuno tsüni kea?”

AKUMLO 5:17

Hi ghenguno ni mlo ye sü ani, hi ghenguno ni nhethi ye zamemeivae,

ISAIAH 51:20

O nuli ye qeive no ikiqivae; ashe no alichhe lo mepe akeshi, panongu ye alaghila kümtsü lo ihozü ngo ani; panongu lolo Ampeu loghu eno Pa no sakiyi keu no chhitoivae.

AKUMLO 1:11

Liw timiqo no asho phuche kelo kümtsü no aghime ghügha shie; panongu no pano kumto püxü niye küakini pesü achuqupu kilichu. “Julo, O Ampeu, eno kümsüju tsülo, kughengu ni ye küthaküghapu shi anie.”