AKUMLO 1:9 - Sumi Naga CL (Re-edited) Bible (BSI)

⁹ Li mithekumo ye li mini lo ani; li ye ighini keu tsala ghenguno kümsüju move; tigheno li vekiqhi ye kümsapuke; li ye aloinokütsüu kühae. “O Ampeu, I ghime julo, kughengu aghümi no toluvae!”

BAIBEL (BSI)

⁹ Li kimthekumoye li phiminilono ithuluve ani, ikemu liye ahasapu sholuniye akeu kumsujumoe. Lino vekiqhi akumsapuke, khunomu li lokughuno tsumlae. Aghumino toluvae eno liye AMPEU vilo kimiyetsu penike ighamukuke.

AKUMLO 1:9 Referans Kwoze

ZAKINIU 32:29

Panongu no alokütsü aghike aye hi vethaluni cheke; panongu ye ashekha vehu kimchi luni cheke!

ISAIAH 47:7

Nono pi, “Ni ye alhokupuju kükaliu shi anani,” ikehu no ye hipaqo amlo lo qhimoe momu ashekha lo kishive nani keno kümsü moe.

AKUMLO 1:17

Zion no au xachho, ikemu li lokughuno tsüni kemi kühae; Ampeu no Jacob kisüghüu pelo pa ghümi shipenike azah tsüvae; Jerusalem ye pano dolono niqhinilai keu lakhi shivae.

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

LESHELE 25:18

I ghime eno I küküpna kümsüju tsülo, eno I xine kümtsü qhive tsülo.

ZEFANIA 2:10

Panongu qheküza lame hi no panongu saje shi nani, kughengu panongu no aqokitikhi MPEUw timi junu eno panoqo shou qheza ke.

JEREMIYA 48:26

“Moab shokümzü lo, kughengu pa no Ampeu lachile ghi pa ampi sheqhe, ikehu pa ye pa kumghu lo ihi nani eno pau ghi timi no junu nani.

JEREMIYA 2:34

Pimimo kemi kumlhomi no hepho ilo pükamo keghi nongu phiküzü lo pano küxü ji ithulue. Hikithipu shinamu

ISAIAH 3:8

Kughengu Jerusalem ye küpxavae, eno Judah ye ikiqivae, kughengu panongu no Ampeu gihumo no pi-shi keu kümtsü lo Pa mjochile chenie.

LESHELE 119:153

I ghime kitikhi ithulu tsülo eno I xalulo, kughengu ni ye O yezah kümsümave chemoe.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

John 11:19

eno Jewmi kutomo no Martha ngo Mary pama peu ghenguno pama lokughuno tsüniye ighi ae.

HOSIYA 2:14

“Ikehu, julo, I no li züizani, eno yenguyike-a lo saighi no ivüilai li pütsa kümtshani.

AKUMLO 4:1

Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

AKUMLO 2:13

O Jerusalem limi, Ni ye o ghenguno kiu pini, kiu pesü o kimhe tsüni kea? O Zion limi athatheu, Ni ye o lokughuno tsü kepushi o pesü kiu kimihi shitsüni kea? Kughengu o mhekiqi ye azüghi pahi qhachhovae; khuu no o shipivi luni kea?

AKUMLO 1:21

“Panongu no I küsü ghügha chilu kemu khunomu I lokughuno tsüni kemi kühae. I ghümi kümtsü no ti chiluvae; Nono hipau shivae pi panongu ye alovi anie. Nono sheshuke tsala lono saghivae; itehi ye panoqo ghi I toive pelo.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 16:7

Khunomu asho süwo kithimi ghenguno mlo akemi lokughuno tsümo nani, pa puaza laumu alokughuno tsünike azü piyemo nani.

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

ISAIAH 54:11

O aghimeshi akeu, no ye pasapagha no fukuchoqhi ke, ikemu o lopiqi tsümoe, Julo, I no o ghenguno aboqha tuqo pesü ayi kümka shou qhitsüni, eno sapphire tuqo pesü o boqha ghotsü nanie.

ISAIAH 40:2

Mükhano Jerusalem pütsalo, li ghime ye kishekhave no li kipimi peve tsüae, Ampeu no li xine jume küghüsü kini shino tsüve keu huno lukümkha shivae pi li vilo sheshulo.

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 37:17

O kini kughope ini tsülo O Ampeu; O nhethi tsükhope ju tsülo O Ampeu; eno Sennacherib no aküxüküa Lhou thogha nike atsa khikhi pi puwu ani keno, kümtsü ini tsülo.

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

LESHELE 140:8

O Ampeu, kixikilami no pulo keu shitsü kevilo; pano kixikila kukughu achipikalupe kevilo, tikumo aye panongu ye chuqulove nosae.

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

KUKAMI AKINIU 14:26

Kughengu Israelmi aqüaxemi na, ililai xükemi kümtsü no shishe ime akeu Ampeu no ithuluve; eno Israel kuphuni keu khumu kühave.

SAMUEL AKINIU 16:12

I lau akumou shive keu Ampeu no ithulu tsüno ishi paw ghukusho theli lo akivi pesü I tsüchile penie.”

SAMUEL ATUGHIU 1:11

Li no ashoqhi lakhi shino pi, “O aqokitikhi Mpeu, tsala Nono o qeliu ghime jutsü eno o qeliu kümsümave tsümo no anu lakhi pesü o qeliu tsü aye, I no pa pesü aküxü kupuju ghenguno Ampeu lau tsüveni eno aqe pesü pa kütsü lo bemoni.”

ZAKINIU 32:27

ikemu tino pano ghümi tsabo shiveni keu ighüve ke, tikumo aye pano ghümi no vetha pimive no ishi piuve nosae, “Hi ye nino tolu kethono Ampeu no kumoe.”’

ZAKINIU 26:7

Tileno nino Ampeu ni puasü Lhou lau ighamku eno Pa no ni sütsa chilu tsüno ni ghime, aka-agha, eno qhaküsü ithulu tsüe.

IPEKULU 4:31

Eno timiqo no pülüve; kughou panongu no Ampeu no Israelmi xuju ighivae eno Pa no panoqo ghime ithuluvae pi chilu keno, panongu no pano kütsü pishiqho luve no mllae.

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

LESHELE 69:21

Achuqupu theli lo tüghü I tsü, eno I tüghü lo panongu no akiqhi ji sho peniye I tsüe.

ISAIAH 51:19

Thime hi küma no o shou ikughivae— khuu no o lopiqi tsüni kea?— amhekiqi ngo kütsakungo, püqümiye ngo azütakikihi; khuu no o lopiqi tsüni kea?

AKUMLO 5:1

O Ampeu, ni shou kiu ikughi keno kümsülulo, julo, ni kukujopu ithulu tsülo!