AKUMLO 1:21 - Sumi Naga CL (Re-edited) Bible (BSI)

²¹ “Panongu no I küsü ghügha chilu kemu khunomu I lokughuno tsüni kemi kühae. I ghümi kümtsü no ti chiluvae; Nono hipau shivae pi panongu ye alovi anie. Nono sheshuke tsala lono saghivae; itehi ye panoqo ghi I toive pelo.

BAIBEL (BSI)

²¹ ‘Ino kishi sukutu igha ani keno inijulo: khunomu ikuphuni kemi kuhae. Nono kutsakungo keu ishou su ighi kepi ighumiqono chiluno alovi akhani. Nono tushoqhi puakeu tsala hu sughitsulo eno ighumi pelo itoi shilusa pelo.

AKUMLO 1:21 Referans Kwoze

AKUMLO 1:8

Jerusalem no zaghishi axine shive, tighenguno li ye niqhinilaivae; li gihu chekemi kümtsü no li jukünatha ani, kughengu panongu no li phikümsa ithuluvae; li ampi no aghime ghügha igha eno li gi küsü luvae.

AKUMLO 2:15

Khunono o kathasü wu keno kümtsü no au kukhupe o tsüe; panongu no Jerusalem limi cheqhi eno akütsü küzü ghi pi: “Kupukülai keu jukivi, ayeghiqha kümtsü lokivipu, ipi chekeu mishighüna huye hi keshea?”

AKUMLO 1:22

“Panow küsakügha kümla kümtsü O zülo süghi pelo, eno Nono I xineqo ghenguno I ghime ketoi panoqo ghimelo; kughengu I küsü ghügha ye kutomo eno I mlo ye hauve anie.”

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

JEREMIYA 50:11

“O I mheghi xüpuwuve keqo, nongu no alovi amloqi anamu, amshiti no aluza lo ilhe akeshi, khurshitsü no igha keshi anamu,

LESHELE 35:15

Ikemu I no küpxalu kelo panongu no I sühope alovi; panongu no aqoshi I lachile; kixikilami I no mtha kemi no tamo mithe I thogha ke;

AKUMLO 1:4

Zion lo kuwu laqo no mloqa ani, kughengu khunomu aghulhu lo ighimo ke; liw khagho kümtsü ixapinyivae; li chinemiqo no ijuqa ani; ililhotheqo pesü ghimevae, li ampi ghi mijimlai sü auvae.

AKUMLO 1:2

Anhezü no li gimuchu lono qo ghi puthotsü li ye mloqa ani; li lomiqo dolo khunomu li lokughuno tsüni keu kühae; li küsami kümtsü no li pishiqhipe thechuvae; panongu ye li ghümi shivae.

JEREMIYA 51:24

“Babylon ngo Chaldea lo küami no Zion lo alhoksa shike ghenguno I no nongu nhethe lono lochile nani, Ampeu no sheshu.

Piyeküsü 18:6

Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

JOYIL 3:14

Aqokitikhi, aqokitikhi no küghakütha khila lo anie! Kughengu küghakütha khila lo Ampeu tsala ye kupunuvae.

EZEKEL 26:2

“Timi nu, Tyre no Jerusalem vilo, ‘Aha, timiqow khagho ye kubovae; tipau ye I lau khaqhi püani. Itehi li ye kütsape ani keke niu no chhitoilu niae,’ ipike ghenguno,

JEREMIYA 51:49

Babylon ghenguno ayeghiqha no ikiqive ketoi, Babylon ye Israelmi pithi ke ghenguno ikiqive masae;

JEREMIYA 50:31

“O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 50:15

Li sümxape aghüle kulo; Babylon ye qhoi liqhivae; li qoghekiqo ye ikiqivae; liw aliwoqo ye hepholevae. Kughengu hi ye AMPEUw amkhükulue: li shou amkhü lulo, li no shike toi li peitha lo.

JEREMIYA 48:27

No ye Israel cheqhi cheke kumo? Israel ye küpkami kesheno nono pa ghili pi aye, o kütsü küngü thaigha che kea?

JEREMIYA 30:16

Ikehu o kütsave kemi kümtsü kütsave nani, eno o ghümi kümtsü akughu lo wuve nani; khunono o pükaqhi keno pano pükaqhi nani, o tsüchu kemi I no tsüchuve nani.

LESHELE 38:16

Kughengu I no pi, “I pukhu nepiyelu keu lo khuu no aqheküza shi keno pano pelo I shou alovipe kevilo!”

LESHELE 37:13

ikemu Ampeu no kixikilami junu cheni, kughengu pa tsala chekeu Pa no ithulu anie.

ISAIAH 14:5

Ampeu no kixikilami küsü, yepemi kükaküsü hechheve tsüae,

ISAIAH 14:6

tino tamomithe axukighide lono ashiayeqo ghaqhi, eno shiyeqo kijipüsaqhi pano qhasü cheke.

AKUMLO 2:16

O ghümi kümtsü no kujojo o mjochile ani; panongu no cheqhi, ahu tsüghü eno ighamku: “Nino li munovae! Ah, nino kheche keu tsala ye hike; itehi ye niw shivae; nino ithuluvae!”