AKUMLO 1:18 - Sumi Naga CL (Re-edited) Bible (BSI)

¹⁸ “Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

BAIBEL (BSI)

¹⁸ “Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

AKUMLO 1:18 Referans Kwoze

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

AKUMLO 1:12

“Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

AKUMLO 3:42

“Ningu no axine shive no hebidevae, eno Nono akipimi qhitsü movae.

LESHELE 107:11

kughengu panongu no Alhou tsa lachile hebide ke, eno shishe Akiqheu kükütsü milive ke.

NEHEMIA 9:33

Tishimu ni shou ikughi ke kümtsü lo No ye amikuchoe, kughengu nino axine shive kemu, No ye pükhükulupu ke.

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

DANIEL 9:7

O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

JEREMIYA 49:12

Kughengu Ampeu no ishi piani: “Tsala aghime jukhu shoküzüpu kumo keqo no shove cheghi aye, nongu ye ghimeqhi mono puwuve nani keshea? Nongu ye sho masa nani.

LESHELE 145:17

Ampeu ye Pa laghi kümtsü lo amikucho eno Pa kümla kümtsü lo kimiyekini ke.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

EZRA 9:13

Niw küsakügha kümla eno akipimi kije ghenguno ni shou aghime kümtsü ikughive kethiu ghi, nino ithulu akeu ye, ni Lhou ye ni xine ghenguno nino aghime ithulu masakeu nguno aghulou pesü tsüke eno ghükulumi hitoi ningu tsüke,

KUKAMI ATUGHIU 13:21

Pa no ighamku Judah lono ighi keu Alhou timi vilo pi, “Ampeu no ishi piani, ‘Nono Ampeu tsa hebideve no Pa zakütsü pape move akehu,

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

IPEKULU 9:27

Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie.

LESHELE 119:137

No ye amikucho ke, O Ampeu eno Ow pimheyeqo ye achipi ke.

JEREMIYA 4:17

Li no I mjochile kehu panongu alu khemi toi li botha luvae, Ampeu no asheshu.

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

AMUS 8:13

“Tipa tsalani ilimi jukivi eno apumiqo no tüghüthi kelauno iluqive nani.

AKUMLO 5:16

Kükakütsüqho ye ni kütsü lono ikiqivae; nino axine shive kehu ningu ye ahasapuae!

ZEKHARIA 1:6

Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”