AKUMLO 1:15 - Sumi Naga CL (Re-edited) Bible (BSI)

¹⁵ “Akumtomi I zülo akeqo kümtsü Ampeu no milivae; Iw apumiqo kütsa nike Pa no I lachile ghi ahoho kusüe; Judah nga athatheliu pesü atsaithi qoda keshi Ampeu no nedavae.

BAIBEL (BSI)

¹⁵ “AMPEU no iwu akumtomi ghushimi kumtsu junuqhi; Pano iwu lhothemiqo kutsa nike aghushimi kumzapu ishou kukumqo saghi, Atsayiji tsughuphe akeshi AMPEU no iwu timiqo qoda qhi.

AKUMLO 1:15 Referans Kwoze

MALAKI 4:3

Tipau tsalani kughou I no mlani keno, nongu no küsaküghami qoda nani, kughengu panoqo ye nongu pukhumza lo ayevu shive nani, aqokitikhi Mpeu no pi.

ISAIAH 63:3

“I likhi I no atsaithi tsüghüve ake, eno timiqo khunomu I gholo ighimoe; I no I loghu kighide lono panongu qodaqhi eno I xukighide lono panoqo nedaqhi; panoqo gi lo aji no I phimini lo hedaveke.

ISAIAH 28:18

Tileno now puloshoqhi akithi sasü shikeu ye xave nani, eno Kithigha sasü puloküqha keu ghi pemlave nani; aghümi no züqozü toi jole ighi kelo nongu ye yipe wuve nani.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

DANIEL 3:13

Tileno Nebuchadnezzar no axukighide lono Shadrach, Meshach, eno Abednego noqo saighi peniye azah tsü. Ikehu panongu no akükau zülo timi hipaqo saighi.

AKUMLO 3:34

Ayeghi lo akughumi kümtsü apukhu no munudaveni keu,

JEREMIYA 51:34

“Nebuchadnezzar Babylon kükau no I tsüchuvae; pa no I chunudaqhi; I pesü azühu kümsa akeu toive tsü; eno aghawu toi ni munove; pa no I chuqupu kivi pesü pa po sünhei luve no I puquleve.

JEREMIYA 50:26

Aqha kümtsü lono li leighilo; eno li biale hepho ilolo; li pesü athi toi xukumqo pe amoqhe no kütsale lo; kiumu qhitsü kevilo.

JEREMIYA 37:10

Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

JEREMIYA 18:21

Ikehu pano tianuliqo pesü akhüava lo süve tsülo; azütakikihi küka lau tsüvelo; pano nipuqo pelo anuha eno chimemi shive pelo. Kiptimi no püsa lono thi pelo, lhothemi no azütakikihi no ghiqhive pelo.

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

ISAIAH 41:2

‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

ISAIAH 5:5

Ikehu I tsailu pesü kiu shini keno I no pini. I no tipau ghutu eno akuptu hexave no ikhiveni, eno tüghashi no mzachuve no nedaqoda pinyive peni.

LESHELE 119:118

O yezah lono vepimi wuve kemi kümtsü Nono milive cheni, kughengu panow mqümgha ye adou ke.

KUKAMI AKINIU 9:33

Pa no pi, “Hilau li vepiqive lo.” Ikehu panongu no li vepiqive. Li ji no atozü ngo khurshiqo shou küza pukuve, eno panongu no li nedasü wuve.

XAKUTHAMI 10:8

Tipa mpe lo panongu no Israelmi ghimeqhi. Eno Ampe chighitache kutolo panongu no Israelmi khunoqo Gilead ghakhu Jordan hechesü Amorimi ghakhu lo ache keno tipaqo nedaqoda ghimeqhi che.

ZAKINIU 28:33

Nongu no akaveshi tüxatini mlaphe keu kümtsü nongu no ithimo keu shiye no luvetsü nani, eno nongu qodaqhi kijipüsa nani,

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 13:24

I no amuu toi nongu kuthole nani asaye mülhü no fupe wuve nani.

JOYIL 3:13

Ayevü pesü ghothu lo, kughengu aghi ye nivae. Wuno qole lo, kughengu atsaithi kütsüghübo ye chhitoivae. Atughuko no qole ani, kughengu panow küsakügha ye kije ke.

AKUMLO 2:21

Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.