AKIKIHI 33:3 - Sumi Naga CL (Re-edited) Bible (BSI)

³ Aqhi atüghüu atsala chighiapunguni no panongu ye Rameses lono chewu. Hechekulu shiwo atsala atüghüni no Israelmi ye Egyptmi nhethe lono iqhaighu Egypt lono cheipe,

BAIBEL (BSI)

³ Israilmino ampelo aqhi atughiu atsala chighi apunguu lono Ijip qhiveke, Hechekulu atughiu shiwo thoghiuno ke. AMPEU sukusho qholono Ijipmi no thebeyi juapulaghi panonguno Ramese phughi lono cheve.

AKIKIHI 33:3 Referans Kwoze

IPEKULU 14:8

Ampeu no Egypt kükau Pharaoh mlo shikümkave tsü, eno Israelmi no akumto shi wuche kelo pa no Israelmi hasü ighi.

IPEKULU 13:4

Ishi, Abib qhi lono nongu ye ipe chenie.

IPEKULU 12:37

Israelmi no Rameses lono Succoth kutolo chewuve, totimi ngo itimi kihisü mono timi lakh tsügho apukhu lono wue.

MICAH 2:13

Khuu no ala kophetsü keno Pa no panoqo züu wunani panongu no khagho hepho ipeve no ti heche wuve nani. Panongu kükau no pano züuno ti heche wunani, Ampeu no pano kütsü shi nani.

ISAIAH 52:12

Kughengu nongu ye mighimghai ipemo nani, eno nongu ye posü womo nani, kughengu Ampeu no nongu züu shino wunani, eno Israel Lhou no nongu thiuno khesasü wunani.

LESHELE 105:38

Kughou panongu no wuve keno Egyptmi no alovi, kughengu akümsa no panoqo shou ikughive ke.

IPEKULU 12:2

“Hipa qhi no nongu ghenguno aqhi bothu shi nani. Nongu ghenguno hi no ampe lo aqhi atüghüu shi nani.

BOTHUBO 47:11

Tithiu Pharaoh no azah tsüke toi, Joseph no Egypt yeghi lo, ayeghi akiviu, Rameses yeghi pesü amheghi shi pa pu eno pa thiküzümi tsüe.

IPEKULU 1:11

Tighenguno panongu no amakho kimshi pesü panoqo ghimeni ke aqemi hekiqhimi panoqo shou qhive. Panongu no Pharaoh ghenguno pekükütsü mishighüna, Pithom ngo Raamses shiqhe pukue.

AKIKIHI 33:2

Ampeu zakütsü lono amqo kiqi lono apasü shi Moses no hukuthu-a lono yepüatsü ani.