AKIKIHI 31:28 - Sumi Naga CL (Re-edited) Bible (BSI)

²⁸ Ghüshimi saje lono Ampeu ghenguno asüqha ikhithalo, ti ye timi na, amshitsü, khurha, ambe loji namu 500 lo lakhi pesü tsüni.

BAIBEL (BSI)

²⁸ Aghushimi sala lono AMPEU ghenguno asuqha ikhitha lulo, tiye akughumi 500 lo milakhi lulo eno amshi, gadaha, bheri eno aneqo ghi titoi kihitha lulo.

AKIKIHI 31:28 Referans Kwoze

AKIKIHI 18:26

“Itaghi Levimi vilo pilo; ‘Nongu no Israelmi launo chighi saje khikhi now shi penike Ampeu no nongu tsükeu ithuluni keno, ti chighi saje lono chighi saje Ampeu tsülo.

AKIKIHI 31:47

Israelmi saje lono Ampeu no azah tsüke toi Moses no timi ngo lhoxü 50 lo lakhi ikhipe Ampeu phiki jukuto chekemi Levimi tsüve.

AKIKIHI 31:30

Eno Israelmi saje lono timi na, amshitsü, khurha, ambe loji namu 50 lo lakhi ikhiphepe Ampeu phiki jukuto chekemi Levimi tsüni.”

MATTHEW 22:21

Jisü no panoqo vilo pi, “Tishiaye Caesarw no Caesar tsülo, eno Alhouw no Alhou tsülo.”

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

ISAIAH 23:18

Li no kimje kelono ala shilu keu eno li jume ye pekütsü momu kike mono akimthe shi Ampeu tsü nani. Khunono Ampeu nhethe lo acheni keno, tipau pesü pano chuqupu ngo aphimini kivi kupukuno shi qhütsü nani.

ISAIAH 18:7

Tipa ghuloki lo timi hipaqo no aqokitikhi MPEU lau sükusho süqha süghi nani puyelei eno qhemghai kemi, aphivilo eno putou küami no msa chekeu, akumto eno qhaküsü shiye, aghokiqo no pano yeghi kotha ani, panongu no Zion toghi, khile aqokitikhi MPEU je acheni keno, tilehi süghi nani.

YEKIKITHI ATUGHIU 18:11

Akükau David no thime hipaqo gholo Edommi, Moabmi, Ammonmi, Philistiami, eno Amalekmi launo ghükayi ngo ameshoyi luve keqo ghi küqhano Ampeu lau ikhiphetsü.

JOSHUA 6:24

Tishino panongu no mishighüna lo ami süvetsü no thime jeli kümtsü pitive tsü. Ikemu ghükayi ngo ameshoyi thaqhü, eno alazayi ngo ayi no mlakeu bohuqo ye panongu no Ampeu kini pekükütsü-a lo qhive.

JOSHUA 6:19

Ikemu ghükayi ngo ameshoyi thaqhü, eno alazayi ngo ayi no mlakeu bohuqo ye Ampeu ghenguno akimtheshi qhilo. Tipaqo ye Ampeu kini pekükütsü-a lo qhini.”

AKIKIHI 18:21

“Israelmi no chighi saje tsükeu pesü I no Levi laghami mheghi shitsü ani. Hi ye kuposhukulu phiki lo hukuthu kümla shikeu jume ke,

BOTHUBO 14:20

eno Shishe Akiqheu Lhou, Khuu no o ghümi pesü o u lo sütsü keno, Pa sheqhelo!” Eno Abram no thokha kümtsü lo chighi lo saje lakhi pa tsüe.

AKIKIHI 31:29

Tipaqo pesü Ampeu lau küqhaphe keu shi achineu Eleazar tsüni.

JOSHUA 9:27

Ikemu Joshua no panongu pesü Israelmi kümtsü ghenguno eno Ampeu kümlla-a ghenguno asü kighemi eno azü kupumi shivepe, ishi kutolo Ampeu no khileno Pa mllalo pini keno tile tishi acheni.

YEKIKITHI AKINIU 15:11

Tipa tsalani panongu no lepughi keu lono Ampeu lau amshitsü 700 eno ambe 7,000 aghashipe mllae.