AKIKIHI 31:16 - Sumi Naga CL (Re-edited) Bible (BSI)

¹⁶ Julo, hipaqo no Peor lo Balaam mijekütsü lono Israelmi pelo Ampeu lau pükhükümla shipe keu lono AMPEUw timiqo shou püsa ighike.

BAIBEL (BSI)

¹⁶ Totimino Balam kukutsu pape wuve no Peor lo timiqo pelo AMPEU lau amikucho kumo shivepe kepi kumsu mla kesha? Tino AMPEU wu timiqo shou pusa kusu sughike.

AKIKIHI 31:16 Referans Kwoze

2 Peter 2:15

Panongu ye achipiu laghi pheve no ala ghüzü lo itsü wuvae. Panongu ye Beor nu Balaam papesü wuvae, pa ye alhoksa kümla lono ala kighishe lunishi che,

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

JOSHUA 22:17

Ningu no Peor lo axine shive keu itehi kutolo mu ningu ampi shikimthe lumphi eno tipau xine ghenguno püsa Ampeuw timiqo shou ikughi ke tinomu lukümkha ke kumo keshea?

ZAKINIU 4:3

Ampeu no Baal-peor lo kiu shikeno nongu ampi no ithuluvae. Pa no nongu gholono Peor lo Baal mllauve kemi kümtsü kütsave.

AKIKIHI 24:14

Itehi ni ye niw timiqo lau woniae, ikemu timi hipaqo no hithiu now timi lau kiu shinani keno I no o kütüghüve tsüni.”

AHOLE 23:27

Kütüqhalimi eno küsalhalimi ye pojo mlani keu qokutho ke.

AKIKIHI 25:18

kughengu panongu no Peor lo, eno Midian tou nga Cozbi khuu püsa tsalani pithive keno, li vehulo nongu mqüqhive ke.”

YETSAPIU 7:26

I no akithi nguno kukhukimji lakhi phulue: totimi khuu mlo no alichhe eno akhame toi, eno khuu u no ayikichhe toi keno, tino akithi nguno kukhukimji ke. Alhou lopushi chekeu no li launo polu cheni, ikemu axinemi ye li no tsüqü luve cheni.

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

AKIKIHI 31:8

Panongu no Midian kükami pungu pithive tsü: Evi, Rekem, Zur, Hur, eno Reba. Panongu no Beor nu Balaam ghi pithive.