AKIKIHI 29:39 - Sumi Naga CL (Re-edited) Bible (BSI)

³⁹ “Nongu no ashoqhi kümllagho momu pulokini kümllagho tsükeu nguno tiqhetini tsalaqo lo hipaqo pesü Ampeu lau tsülo: akipti kümllagho, athi kümllagho, atsaizü kümllagho eno kuposhukulu kümllagho.”

BAIBEL (BSI)

³⁹ Pekithiyeh hipaqoye now kihithapua tsukeu tiqhetini lo nonguno AMPEU lau akipti kumllagho, athi kumllagho, atsaiji kumllagho eno kuposhukulu kumllagho shipenike ghenguno ke. Hipaqoye nonguno ashoqhi shikupulu keu kumllagho tsukeu momu puloniqhiyi tsukeu kumllagho nguno alau vebeghi tsukeu ke.

AKIKIHI 29:39 Referans Kwoze

ACHINE 23:2

“Israelmi pütsa no pilo, Ampeu lau tiqhetini hipaqo ye akimthe hoho kiqi lono sheshu lo; hipaqo ye I no kihitha tsüke.

YEKIKITHI AKINIU 31:3

Akükau no qhasü tsükeu ye paw lüthü lono akipti kümllagho ghenguno: ti ye ina kijili akipti kümllagho, Sabbath, aqhi kithe lo akipti kümllagho, eno Ampeu Yezah kiqi lono ampe lo tiqhetini ghenguno ke.

ISAIAH 1:14

I ngulho no now aqhi kithe eno ampelo tiqhetini jeliqo mithie; tipaqo ye I ghenguno amakhoe, Ni ye tipaqo xapu keno lhovae.

NEHEMIA 10:33

ti ye akimthe sho, tsalakipe athi kümllagho, tsalakipe akipti kümllagho, Sabbath tsala, aqhi kithe pine, tiqhetini, akimthe kümllagho, Israelmi xine pevekütsü kümllagho, eno ni Lhou ki kümla ghenguno avehupu shive keu kümtsü tsüni.

EZRA 3:5

tithiuno alhoaye lo kipti kümllagho, aqhi kithe kümllagho, kihitha tsükeu kiqi lono Ampeu lau aghulhu shi chekeu, eno khukhumu pulokini kümllagho pesü Ampeu tsükeu shike.

ACHINE 7:11

“Milakhi no Ampeu lau külakishi kümllagho tsüni keu yezah ye hike:

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

ZAKINIU 12:6

Nongu no now akipti kümllagho, aghakishi kümllagho, chighi saje, pulokini kümllagho, ashoqhi kümllagho, kümsagho, eno amishi ngo ambe piti tüghüu kümllagho kümtsü tilau no mllani.

AKIKIHI 6:21

“Hi no Nazirmi yezah ke. Ikemu pa no toluye Nazirmi shoqhi kiyeve ghi Ampeu lau akümllagho tsünike tushoqhi aye, pa no piqhi püakeu gholau no pa ye Nazirmi yezah gholono tishilu nanie.”

ACHINE 23:28

Tipani ye akümla shimoni, kughengu ti ye axine peve tsünike Ampeu lau Lokichile Tsala ke.

AKIKIHI 29:38

axine kümllagho shi anetsü lakhi pesü tsülo, ti ye tsalakipe kipti kümllagho ngo athi eno atsaizü kümllagho nguno alau tsüni keu ke.

AKIKIHI 29:40

Ikehu Ampeu no Moses azah tsüke toi pa no thokha Israelmi vilo pive.

AMUS 5:22

Nongu no akipti kümllagho ngo athi kümllagho süghi namu I no ikhilu tsümo nani; eno now athakupu lhoxü pesü külakishi kümllagho shikeu Ni ye tipa shou jupukumo nani.

ACHINE 23:38

Akümllagho hipaqo ye Ampeuw Sabbath gholo nonguw ashoqhi kümllagho eno pulokini kümllagho Ampeu tsükeu gholo küqhani.

AKIKIHI 28:2

“Israelmi azah tsüno pilo, ‘Nongu ye ado kihikütha do kiqi lono I kümllagho, I chuqupu, I chuqupu kümllagho, I lopu xokütsüngü, süghilo.’

YEKIKITHI AKINIU 31:14

Levimi Imna nu Kore, kipela khagho kheu no Alhou lau pulokini gho, Ampeu ghenguno kotha keu kümllagho kijeni keu, eno shishe akimthe kümllagho shou ampi shie.

EZRA 3:4

Panongu no Ayezah lo yepüake toi Apusho lo Pine ikhilu, eno ayezah kiqi lono tsalakipe kipti kümllagho atsala lo kihitha tsü ketoi tsüe,