AKIKIHI 27:17 - Sumi Naga CL (Re-edited) Bible (BSI)

¹⁷ pa no timiqo züu shi ipeilo eno saphe pelo, tishianguno AMPEUw timiqo ye akheu kühakeu mbeloji toi pemonie.”

BAIBEL (BSI)

¹⁷ eno aghushilo panongu shou ahza tsukeu shipelo tishianguno owu aqoaho ye bheri loji akheu kuhakeu toimo nanike.”

AKIKIHI 27:17 Referans Kwoze

EZEKEL 34:5

Ikehu panongu ye apanagha khavae, kughengu ambekhemi khumu kühave eno panongu ye tüghashiqo chuqupu shiveke.

Mark 6:34

Kughou Jisü no axüsa tokeno, pa no aqokitikhi kije ithulu, eno panoqo ye akheu küha keu mbeqo toi aghi kehu pa mlo ighiqhiyive. Pa no thime kutomo pesü panoqo shika thuve.

KUKAMI ATUGHIU 22:17

Pa no pi, “Israel ghüshimi kümtsü akheu küha keu mbe toi apanagha naghuto lo chekeu I no ithulue. Eno Ampeu no pi, ‘Hipaqo ye ampeu kühae; panongu pelo iqüghai aki lo wove pelo.’”

MATTHEW 9:36

Kughou pa no aqokitikhi ithulu keno, panongu ghenguno pa mlo ighiqhiyive, kughengu panongu ye akheu kühakeu mbeloji toi pishipiyi eno akukuphu kühano ae.

ZEKHARIA 10:2

Kughengu akibo lo ajulhoqo no akiqi kühakeu tsa picheni, eno asakiqhimi no akimki ithulu cheni; panongu no kichile samo pi eno abokümsa alopiqitsü keu tsa picheni. Tighenguno timiqo ye ambe toi itsü wuve no akheu küküha ghenguno ghime anie.

YEKIKITHI AKINIU 1:10

Itehi ye timi hipaqo sapheni ke alokütsü eno akighithi I tsülo, kughengu khuu no Ow timi hijeje shou ayepe luni kea?”

ZAKINIU 31:2

“Ni ye ishi no ampe 120 shivae, eno ipeilo luni keu küka kühavae. Tinguno alau, Ampeu no I vilo pivae, ‘No ye Jordan katha ikumo nani.’

KUKAMI ATUGHIU 3:7

Itehi O Ampeu I Lhou, I no itimi shi anamu Nono I pu David-a lo o qeu pelo akükau shipe. Ni ye ayekipe vehumu mthae.

SAMUEL ATUGHIU 18:13

Ikehu Saul no pa zülono pa ikhive no qhethonhe zatsüu shivepe. David no timiqo sasü aghüshi lo wu.

SAMUEL ATUGHIU 8:20

tishino ningu ghi shiyeqo toilu nani, eno ni kükau no niw xaküthau shino ni züu wuno ni ghenguno aghüshi nani.”

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

John 10:9

Ni ye ahukikha ke. Khunono I vechesü iloni keno pa ye xaluve nani eno ipe-ilo luno atsüni kümtsha-a phulu nani.

MATTHEW 15:24

Pa no khochile, “Israel lagha lo püha püakeu mbeqo lau likhi I puwu püanie.”

MATTHEW 10:6

ikemu Israel lagha lo püha püakeu mbeloji lau wulo.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

YEKIKITHI AKINIU 18:16

Pa no pi, “Israelmi ghüshimi kümtsü naghuto lo akheu küha keu mbe toi apanagha chekeu I no ithulu. Eno Ampeu no pi, ‘Hipaqo ye ampeu kühae; panongu pelo iqünhei aki lo wove pelo.’”

SAMUEL AKINIU 5:2

Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

KUKAMI AKINIU 11:8

nongu no aghünanu au lo pesü akükau bothape pa süshoni eno akükau no ipeilo kelo pa khelo. Khukhumu tile kijemi kupunu ighi keu ye pithiveni.”