AKIKIHI 24:10 - Sumi Naga CL (Re-edited) Bible (BSI)

¹⁰ Balak ye Balaam ju amloideve eno pa u kumsho luve. Pa no Balaam vilo pi, “I no o kukeu ye I ghümi müsüini peniye kelaye no ye hi ghuthu küthü panongu kümghave tsüae.

BAIBEL (BSI)

¹⁰ Balak no pa mlo kighide launo pa u putshu pesuno Balam vilo pi, “Ighumi musuini peniye ino okusaghike, ikemu tishinike zuqhulo hipau pha ghuthu kuthu panongu kumghave tsuake.

AKIKIHI 24:10 Referans Kwoze

EZEKEL 21:14

“Timi nu, no ye tungkuptsa pilo. O u kukhu lo eno azütakikihi pelo ghuthu kini, iyei, ghuthu küthü ghi pelo, ti ye khunoqo pithive kepu shi ani keno panoqo ghenguno azütakikihi ke. Ti ye shishe ghiqhi wonike ghenguno azütakikihi ke, ti ye panoqo homxape ani,

AKIKIHI 23:11

Tile Balak no Balaam vilo pi, “No ye kiu shive akea? I ghümi müsüini peniye o sasü ighi kelaye julo, no ye kiumu shimono panoqo kümghave tsüae”

EZEKEL 22:13

“Julo, nongu no amikucho kumo lono ala shilu keu eno nongu gholo aji pele keu lono I no I u be nani.

EZEKEL 21:17

Ni ghi I u kukhu nani, eno I no I loghu ghapiqilu nani; Ni Ampeu no piqhivae.”

JOB 27:23

Tino au kukhupe pa tsüno pa-a lono junu nani.

NEHEMIA 13:2

Kughengu panongu no asho ngo azü pesü Israelmi saluke kumono Balaam piqepe Israelmi ghushoe, ikeghi ni Lhou no ghukusho pesü kükümgha shive tsüe.

AKIKIHI 22:17

kughengu I no akiqheu sükümsa o tsüni eno nono pikeu kiu kiumu shitsüni. Ighilo, I ghenguno timi hipaqo müsüinive tsülo.’”

AKIKIHI 22:11

‘Julo, Egypt lono ashiaye lakhi ighi no ayeghi küzü luvae. Itehi ighi no panoqo müsüinive tsülo. Ishiake I no panongu sasü küpüghü no haleve luvike.’”

AKIKIHI 22:6

Ikehu ighi no timi hipaqo müsüinive tsülo. Kughengu panongu ye I nguno akumtou shi ani. Ishiake I no panongu theqhive no aghakhu lono haleve luvi, kughengu nono khuu kümghatsü cheni keno pa ye mügha cheni, eno nono müsüinive keu ye angusüpu shive chenie.”

AKIKIHI 24:9

Panongu no abongshuu toi ipu itsaqi ngo nani khuu no küdaputhu nani kea? Khunono o kümgha tsüni keno akümghapue, eno khunono o müsüinini keno angusüpue.”

AKIKIHI 24:11

Tighenguno itehi o ghakhu lo wovelo! I no ishi pipüae, ‘I no agho kivi o tsü nani,’ ikemu o gihuni keu Ampeu no lakhavae.”

ZAKINIU 23:6

Nongu ye alholo panow külakishi momu kinikülü phumoni.

Apostolmi 11:10

Hitoi ghuthu küthü shive no kümtsü atsütsü lo sünhe chile saikuve.