AKIKIHI 23:5 - Sumi Naga CL (Re-edited) Bible (BSI)

⁵ Ampeu no kiu pikepu keno Balaam vilo pive eno ishi azah tsü, “Balak lau idewo no hitoi pilo.”

BAIBEL (BSI)

⁵ AMPEU no kiu pikepu keno Balam vilo pive eno asutsa pesu Balak tsupeniye pa kighide puwove.

AKIKIHI 23:5 Referans Kwoze

JEREMIYA 1:9

Tishino Ampeu no Pa u pesü I kichi butsü eno I vilo pi, “Julo, I no I tsa pesü o kichi lo süve tsüae.

ZAKINIU 18:18

I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

ISAIAH 51:16

I no atsütsü xakhope qhi, eno ayeghi boqha qhake, o kichi lo I tsa sütsü eno I u pesü o khonha eno Zion vilo pi, ‘Nongu ye Iw timiqo ke.’”

AKIKIHI 23:16

Ampeu no Balaam sasü kusho no kiu pikepu keno pive no ishi pi, “Balak lau idewo no hitoi pilo.”

John 11:51

Hi ye pa kutoshino pike kumoe, ikemu tipa mpe lo achinetou shi akehu pa no Jisü ye shiye ghenguno thive nani kepi tungkuptsa pi,

Luke 12:12

kughengu nongu no kiu pi kepu keno Aghungu Kimthe no tipa tüqhüdo lono nongu shika nani.”

AHOLE 16:9

Timi no amlo lono pa küxü laghi kughuphe cheni, ikemu Ampeu no pa pukhu nepa iqhikumto tsü cheni.

AHOLE 16:1

Timi no amlo lo kümsü akeu kiqi lono kughuphe cheni, ikemu khokichile ye Alhou launo ighi cheni.

AKIKIHI 22:35

Ikemu kungumi no ishi pi, “Timi hipaqo sasü wulo, ikemu I no o vilo pilo pikeu likhi pilo.” Ikehu Balaam no panoqo gholo wuve.

AKIKIHI 22:20

Tipaji Alhou no Balaam lau ighi no pi, “Timi hipaqo no o sasü wunike ighi aghi aye, ithu no wulo ikemu I no o vilo kiu pini keno ti likhi shilo.”

IPEKULU 4:15

Nono pa pütsa no pa kichi lo atsa sütsülo, I no o gholo eno pa gholo anani eno kiu shikepu keno I no nokujo shika nani.

AKIKIHI 23:4

Alhou no Balaam sasü kusholu eno Balaam no pi, “I no akiptia tsüni mlave no lakhikhi lono amshitsü lakhi ambetsü lakhi pesü mllavae.”

AKIKIHI 23:6

Pa no ideighi, eno Balak ye Moab sakiphemi kümtsü sasü paw akiptia phivilo puthugho aghi.