AKIKIHI 22:8 - Sumi Naga CL (Re-edited) Bible (BSI)

⁸ Balaam no panoqo vilo pi, “Itiji ye hilau ngove lo eno Ampeu no pikeu tsa I no nongu vilo pichileni.” Ikehu Moab lo sakiphemi no Balaam gholo ngove.

BAIBEL (BSI)

⁸ Tileno Balam no panoqo vilo pi, “Itijiye hilau ngovelo eno AMPEU no ivilo kiu kiumu pitsu keu thoghiu no ino nongu vilo pithinike.” Tighenguno Muabmi sakiphemino Balam gholo ngove.

AKIKIHI 22:8 Referans Kwoze

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

JEREMIYA 12:2

Nono panoqo shosü, panoqo no akuhu qüilolu eno thuiku eno axathi pithi; Nono pano kichi lo ngo kemu pano mlo lono putosüve.

AKIKIHI 23:12

Ikehu pa no khochile, “Ampeu no I vilo kiu pilo pi keno ni ye ti pimoni keshea?”

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

AKIKIHI 22:7

Tighenguno Moabmi ngo Midian sakiphemi no asakiqhi jume pesü wuve no Balaam lau Balak sütsa süghi.

AKIKIHI 22:9

Alhou no Balaam lau ighi no iniju, “Timi o gholo ngo akeqo ye khuno kea?”

AKIKIHI 22:18

Ikemu Balaam no khochile, “Balak no pa kükaki lo ameshoyi ngo ghükayi akeu kümtsü I tsüveni pinamu, ni ye Ampeu I Lhou no azah tsükeu nguno alau, momu tomove keu mu shimlae.

AKIKIHI 22:38

Balaam no pi, “Julo, ni ye ighivae! Itehi ni ye pikulupu küka anima? Alhou no I vilo kiu pilo pi keno ni ye tipau pini.”

AKIKIHI 23:3

Tithiu Balaam no Balak vilo pi, “O kipti kümllagho phivilo puthugholo, eno I no wuno Ampeu ye I sasü kusho nani kemo keno juni. Pa no kiu kiumu I piyesü keu I no o vilo pitsüni.” Tishino pa ye atoghi kütsüqa lakhi lo ikuve,

AKIKIHI 24:13

‘Balak no pa kükaki lo ameshoyi ngo ghükayi akeu kümtsü I tsüveni pimu ni ye Ampeu I Lhou tsape nguno alau ye akivi mu alhoksa mu I ghoshi pimla nani. Ampeu no kiu pilopi keno ti likhi pi nani.’

KUKAMI ATUGHIU 13:8

Alhou timi no pi, “Nono o ki tüxa I tsünie pinamu ni ye o gholo wumoe. Eno a-a hipau lo ni ye chusho monani,

KUKAMI ATUGHIU 22:14

Ikemu Micaiah no pi, “Ampeu xü anike Pa no kiu I vilo pi keno ni ye ti pi nani.”