AKIKIHI 16:38 - Sumi Naga CL (Re-edited) Bible (BSI)

³⁸ Eno hi khunoqo pano xine vecheo thive ake keno, panow amikhuqo ye hephape akümlla-khache küküzüpu mlave lo kughengu panongu no tipaqo pesü Ampeu zülo qhivetsü kehu tipaqo ye akimthe shivae. Tino Israelmi ghenguno amchipu shiniae.”

BAIBEL (BSI)

³⁸ Tipaqoye AMPEU wu akiptia lo qhivetsu keu lono akimthe shive ake. Tighenguno khunoqo axine ghenguno pithive akeno timi tipaqo mikhu ikhilu puzu tipaqo apashi ipumihei hephano akiptia kuzu kepu shilo. Tino Israilmi shikimchi tsukeu lakhi shi nani.”

AKIKIHI 16:38 Referans Kwoze

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

EZEKEL 14:8

I no pa launo I gi kughove nani; pa pesü amchipu eno küghakichepu shitsü nani, eno Iw timi gholono ikhive nani, eno Ni ye Ampeu kepi nongu no ithi nani.

AHOLE 20:2

Akükau loghu ye abongshuu ghügha toie; khuu no pa xukutho puthuni keno aküxü pühave cheni.

AKIKIHI 26:10

eno ayeghi no mpakhope Korah gholono panongu munove no ami no pano 250 pitive kemi ke, panongu pesü kütami ghutu keu shive.

HABAKUK 2:10

Nono timi kutomo kütsave kehu o kibolomi lau akukujopu shivae; no ye o küxü chipiu pühavae.

KUKAMI ATUGHIU 2:23

Eno Solomon no Ampeu je lono tushoqhi, “Atsa hipau ghenguno Adonijah küxü luve tsümo aye, Alhou no niu pithive peniu!

AKIKIHI 17:10

Ampeu no Moses vilo pi, “Hekibidemi ghenguno amchipu shi ghi Aaron küsü ikhichile süwo Puloshoqhi bohu zülo qhilo, tishianguno panongu kümchho tave peni, tikumo aye panongu ye thive nani.”

1 Kor. 10:11

Hi kümtsü kichekipiye shi panongu shou ikughi kemu ningu ghutu ghi tipaqo yepe qhitsüe, kughengu ningu ye ashekha ghuloki lo ayae.

AHOLE 8:36

ikemu khuu no I phumoni keno pa likhi pa ghüzavae; I mithi chekemi kümtsü akithi kimiye cheni.”

AHOLE 1:18

ikemu timi hipaqo ye pano ghenguu no alichhe shi acheni; eno pano ampi küxüu miqe khe acheni.

AKIKIHI 16:40

eno tino Israelmi lau amchipu shiche pelo; ti ye Aaron kughuko kumo aye, ashoumi ye khumu axokütsüngü piti nike Ampeu zülo ighimlae ipikeu kiqi shipelo tikumo aye, Korah ngo paw timiqo toi kütsave nani, hi ye Ampeu no Moses vecheo Eleazar vilo pi keu ke.

AKIKIHI 16:37

“Aaron nu Eleazar achineu vilo pi püzü ami lono amikhuqo ikhiphevepe lo. Tishino amibalu pesü aqha kümtsü aghacheu kutolo pevelo kughengu ti ye akimthe shivae.

AKIKIHI 16:39

Ikehu achineu Eleazar no amikhuqo ikhilu püzü tipaqo hepha pesü ipumhei shino akümlla-khache küküzüpu shi mlave,

JEREMIYA 44:7

Itehi aqokitikhi MPEU, Israel Lhou no ishi piani: Nongu ye kushiye no shou alhoksa kümla kije hipau shi ani kea? Kushiye Judah lo kiptimi, totimi, itimi, eno anga kughunuqo lakhimu ghülu pemono kütsale keu süghi ani kea?