AKIKIHI 14:3 - Sumi Naga CL (Re-edited) Bible (BSI)

³ Ghüyi lono woveni keghi kushiye Ampeu ye hipau yeghi lo ningu saighi ani kea? Ningu nipu anuliqo ye küghape wuve niae. Ningu ye Egypt lo idewove keu pavi moni keshea?”

BAIBEL (BSI)

³ AMPEU ye kushiye ni sasu ayeghi hupaulo wucheni kya? Ninguye aghushi lono thive nani eno ningu nipu nuli ye kughalu khave nanike. Ijip lo idewovekeu pavimo nikesha?”

AKIKIHI 14:3 Referans Kwoze

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

LESHELE 78:40

Panongu ye yenguyike-a lo ghuthu khije Pa hebide eno asayeli lo Pa mlo ghujuve tsü kela!

Apostolmi 7:39

Ni puasüqo no pa gholuni ke pulomo no pa kopheve, eno pano mlo ye Egypt lou idewove.

IPEKULU 5:21

eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”

IPEKULU 16:3

eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

AKIKIHI 16:13

Nono akichhizü ngo akhingozü qowu akeu yeghi lono ningu sasü ipeghi püzü asayeqha lono ni pithive niye akeu likhi kumono ni shou sakipheu shiniye ani keshea?

AKIKIHI 20:3

Panongu no Moses sasü kighe ghi pi, “Ningu ghi ni thiküzümi gholo Ampeu zülono thive keu pavini chekena!

AKIKIHI 21:5

Eno Alhou ngo Moses pama lachile pi, “Nokujo ye kushiye Egypt lono ningu saipe hi asayeqha lono pithive niye ani kea? Kughengu hilau ye achuqupu momu azü mu küha eno ningu ye achuqupu lhoksa hipau chumlae.”

ZAKINIU 1:39

Nongu nga kughunu khunoqo thive nanie pi nongu no pi, eno no tianuli ishi kutolo kivi-küsa mthano ani keno, tipaqo no ilolu nani. I no ayeghi pesü panongu tsüve nani, eno panongu no tile xüsü nani.

AKIKIHI 11:20

ikemu aqhi kupuju nongu nigipe lono ipeghiuve no alole moke kutolo chuniae, kughengu nongu no Ampeu Khuu nongu gholo ani keno Pa milive no Pa zülono, “Kushiye ningu ye Egypt lono ipeghive kea?” ipi ighamku auveke.’”

NEHEMIA 9:17

Panongu no agholu move, Nono akümzapu kümla shikeqo shou amlo tsümove no panongu kütsü kughope Egypt qüaxe lo idewove nike pano sakipheu kisheve. Ikemu No ye axine qhikütsü Lhou ke; No ye küpükini eno kimiyekiniu, asheshi no amloide kicheu eno kikimiye no pofushi achekeu Lhou kehu panongu pheve moe.

JEREMIYA 42:14

eno, ‘Moe, ningu ye Egypt yeghi lo wuveni kughengu tilau ningu ye aghükishi ithumla nani, afuko ghügha chimla momu achuqupu kühano müzüthimo nani, ningu ye tilau küghüna auveni,’ ipi aye,

JEREMIYA 42:19

O Judah lo ghükulumi, Ampeu no nongu vilo pivae, ‘Egypt lo wu kevilo.’ Ishi tsala lono I no mtsüqheino nongu kütüve ake