AKIKIHI 14:19 - Sumi Naga CL (Re-edited) Bible (BSI)

¹⁹ Nono Egypt lono hi kutolo timi hipaqo kipimi qhivetsü ketoi kimiyeno Ow iqemokeu kikimiye kije lono timi hipaqo kutokumo peve tsülo.”

BAIBEL (BSI)

¹⁹ Itehiye, AMPEU, owu iqemokeu kikimiye kije kiqi lono timi hipaqo xine qhivetsu lepi ino oqhuiniju ani ike tiye panonguno Ijip qhive kelono ishi kutolo nono panoqo xine qhivetsu ighive keu tho lono shitsulo.”

AKIKIHI 14:19 Referans Kwoze

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

IPEKULU 32:32

Ikemu itehi, Nono panoqo xine qhitsü aye ta—ikemu tishimo aye, kimiyeno Ow kaku khipau lo Nono yepüani keno tileno I je nuxave tsülo.”

James 5:15

Aküpülü lono inikhu kelo aküsüu ye vive nani, eno Ampeu no atho puthotsü no pa no axine shipüaghi aye pevetsü nani.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

JONAH 3:10

Kughou panongu no küsakügha laghi lono xaide ighi akeu Alhou no ithulu keno, Pa no panoqo lau amhekiqi süghini piakeu süchileve, eno Pa ye tipau shimove.

DANIEL 9:19

O Ampeu, inilo; O Ampeu, akipimi qhitsülo. O Ampeu, amlo tsüqhiyi shino mla tsülo. O je ghenguno munu kevilo, O I Lhou, kughengu Ow mishighüna eno Ow timiqo ye O je ku achenie.”

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

KUKAMI ATUGHIU 8:34

kungugha lono chilu tsüno Ow timi Israelmi xine qhive tsülo eno panongu sasü pano puasü tsükeu yeghi lo saghi tsülo.

IPEKULU 33:17

Ampeu no Moses vilo pi, “Nono I vilo pivekeu I no tishini, kughengu no ye I nhethe lo kimiyeqhiyi keu ithuluvae, eno I no akivishi no ithi anie.”

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

LESHELE 85:2

Nono Ow timi kipimi qhitsüe; Nono panoqo xine kümtsü jonhave tsüe.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

AMUS 7:2

Kughou tipaqo no ayeghi lo atsüni chukhave tsü keno, I no pi, “O Ampeu Alhou, kimiyeno akipimi qhitsülo! Jacob ye ighono aghuloke kishi puthugho luni kea?”

AMUS 7:5

Ikehu I no pi, “O Ampeu Alhou, kimiyeno tavelo! Jacob ye ighono aghuloke kishi puthugho luni kea?”