AKIKIHI 12:7 - Sumi Naga CL (Re-edited) Bible (BSI)

⁷ Ikemu I qeu Moses lau ye tishimoe. Pa ye pükhübekulupu shi Iw timi kümtsü jukuto cheni.

BAIBEL (BSI)

⁷ Ino iqeu Muse putsa chekeuye pakuta keu ghola lono ke; ino iwu timi Israilmi kumtsu pesu pa qholo qhipe puani.

AKIKIHI 12:7 Referans Kwoze

1 Kor. 4:2

Eno jukükütsümi ye pükhükulumi shimasae.

LESHELE 105:26

Pa no Pa qeu Moses, eno Aaron, khuu Pa no kishelu keno pama puwu.

JOSHUA 1:1

Ampeu qeu Moses thive kethiu, Ampeu no Moses kukuphuu, Nun nu Joshua vilo pi,

MATTHEW 11:11

Kuchou no I no nongu vilo piani, totimi no punu keqo gholo timi khumu Baptiz kishiu John nguno akijeu ipeghi mphi. Tishimu kungugha yekipe loye khuu no kütami nguno akitilau keno pa no Baptiz kishiu John nguno akijeu ke.

1 Tim. 3:15

I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

Apostolmi 7:31

Pa no hi ithulupe akichiqhive, eno ti juniye aphivilo wu kelo, Ampeu sütsa chilue:

MATTHEW 11:9

Tishiaye nongu ye kiu juniye wu kea? Tungkupu keo? Iyei, tishi pütsae, I no nongu vilo piani, pa ye tungkupu kütami nguno akijeu ke.

ZAKINIU 18:18

I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.

ZAKINIU 34:5

Ikehu Ampeu no pikeu kiqi lono Ampeu qeu Moses ye tilau Moab ghakhu lono thive.

JOSHUA 1:2

“I qeu Moses ye thivae. Tighenguno itehi ye no eno Israelmi kümtsü ithu no Jordan kathasü I no panongu tsü akeu yeghi lo ilolo.

JOB 1:8

Tile AMPEU no Satan vilo pi, “No ye I qeu Job shou kümsü pukuju kema? Kughengu pa toi tukutiye kühano müzüchoi kemi, Alhou sükümsa shi xüno alhoksa lono tsüghüve chekemi ayeghi lo kühae.”

IPEKULU 33:11

Milakhi no pa küsau pütsa ketoi Ampeu no agi no agi kinheqhe ghi Moses pütsa che. Kughou Moses no aphiki lo iloni keno, pa kukuphuu apumi lakhi, Nun nu Joshua, no itha mono aphiki lo ngo che.