AKIKIHI 11:16 - Sumi Naga CL (Re-edited) Bible (BSI)

¹⁶ Tishino Ampeu no Moses vilo pi, “Israelmi dolo layemi nono khunoqo ithi ani keno, timi saphelu chekemi pano lhotsüni hekütsüpe Kuposhukulu Phiki lo ighi no o gholo puthugho pelo.

BAIBEL (BSI)

¹⁶ AMPEU no Muse vilo pi, “Timiqono gihu chekeqo lhotsuni,khunoqo pelo sakiphemi shipenike kisheve akeno tipaqo sawo ino ngoche keu Phikilo kumqolo eno panongu ye ophivilo puthugho ngolo pilo.

AKIKIHI 11:16 Referans Kwoze

IPEKULU 24:1

Ampeu no Moses vilo pi, “I lau ikughi lo, no eno Aaron, Nadab, eno Abihu ngo Israel lo layemi lhotsüni, eno putou no I mlla lo.

IPEKULU 24:9

Tishino Moses ngo Aaron, Nadab, eno Abihu ngo Israel lo layemi lhotsüni no ahuu iqhove,

ZAKINIU 16:18

“Ampeu nongu Lhou no nongu tsü akeu phughi kümtsü lo küghaküthami ngo hiyampemi alagha kiqi lono süküsü shipe qhilo, eno panongu pelo kuchou xakütha timiqo tsü pelo.

ZAKINIU 1:15

Ikehu I no nongu lagha lo alokütsümi eno puju shijuve kemi pesü qhethonhe, aqhe, lhopungu, eno chighi shou zatsümi eno hiyampemi shipe.

BOTHUBO 46:27

Joseph nu Egypt lono pa lau punu tsükeu no pamae. Jacob kibolomi, khunoqo Egypt lo ighi keno panongu ye aqolo lhotsüni.

Luke 10:17

Tithiu lhotsüni-kini no alokivi shi ideighi no pi, “Ampeu, o je lono tüghamiqou ghi ningu zülo ikiqie!”

Luke 10:1

Tithiu Ampeu no kütami pano lhotsüni-kini süsü no pa ampi no mishiphu eno a-a khipaqo lo wuniye akeno, pa züuno cheghi penike kini-ni no ti kümtsü lo puwu.

EZEKEL 8:11

Tipaqo zülo Israel lagha lo layemi lhotsüni no puthugho ae, panoqo gholo Shaphan nu Jaazaniah ghi puthugho ae. Milakhikhi u lo akipti bohu pesü ngoa, eno akipti bohu lono amchhi kunguu phoiku ae.

IPEKULU 4:29

Tithiu Moses ngo Aaron pama no wuno Israel lo layemi kümtsü hekütsü kumqoe.

ZAKINIU 31:28

Alagha lo sakiphemi ngo kijemi kümtsü I zülo hekütsü lo, I no hipaqo pesü panongu vilo pini, eno panongu shou thopi shipenike kungugha ngo ayeghi kusüni.

IPEKULU 18:25

Moses no Israelmi dolono shitsami kishe eno panoqo pesü timiqo shou, qhethonhe shou, aqhe shou, lhopungu shou eno chighi shou atou shipe.

AKIKIHI 11:24

Ikehu Moses no khalau ipe Ampeu tsa pesü timiqo vilo pi. Pa no layemi pano lhotsüni hekütsü sasü Aphiki homxape qhi.

JEREMIYA 19:1

Ampeu no ishi piani, “Wulo, alikümlauw ayeghi külabo qhülo, layemi khami, achinemi asachumi khami sasü

AKIKIHI 16:25

Moses no Dathan ngo Abiram pama lau wue eno Israelmi sakiphemi ghi pa papesü wue.