AHOLE 8:30 - Sumi Naga CL (Re-edited) Bible (BSI)

³⁰ Kütshakügha kümlau toi ni ye Pa gholo ae, tsalakipe Pa no I jupe alovi, eno I no Pa zülo alovi che,

BAIBEL (BSI)

³⁰ Aki kishilo kughukutsumi lakhi toi niye pa phivilo ake, tsalakipetsulo paye ilauno alovilu cheke. pa gholo akelo pulhapuju alokivi shike,

AHOLE 8:30 Referans Kwoze

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 12:28

Apu, O jekipipu shilo.” Tileno kungugha lono asütsa ighi, “Ni ye ajekipipu shivae eno itaghi ajekipipu shi nani.”

Kolosiami 1:13

Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”