AHOLE 8:21 - Sumi Naga CL (Re-edited) Bible (BSI)

²¹ khunono I kimiye cheni keno I no küakini pesü tsü cheni, eno pano kinibo pichhitsü cheni.”

BAIBEL (BSI)

²¹ ikimiyekemi lau kinikulu tsu cheni, akughupu nhemgha pesu panoqo ki shepichhitsu cheni.

AHOLE 8:21 Referans Kwoze

1 Peter 1:4

kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

AHOLE 24:4

akighithi vecheo acheboqo lo amekusho eno jukivi thime jeli pesü shepichhi cheni.

BOTHUBO 15:14

Ikemu panongu no qeche keu shiye shou I no küghakütha süghi nani, eno tithiuno panongu no küakini kutomo pesü ipeghive nani.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

AHOLE 1:13

akughupu thime kümtsü ningu no ithulu nani, eno süxakulu thime pesü ningu ki pichhini,

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

SAMUEL ATUGHIU 2:8

Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

AHOLE 8:18

Küakini eno agigihupu, pepushu kulupu eno kighishe kulupu kini ye I gholo acheni.

AHOLE 6:31

ikemu pa küghaluve aye, pa ye tsüni no küghüsü no lonani, pa kilo aghikeu qhoi tsüve nani.

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

AHOLE 8:20

Ni ye amikucho eno achipiu xakütha laghi püla cheni,

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

AHOLE 15:6

Amikuchomi kilo akinikhuki kije ani ikemu kixikilami kini ilokighi lalo aküküpna acheni.

AHOLE 21:20

Akughupu thime ngo thazü ye alokütsümi kilo acheni, ikemu mbomzümi ye tipaqo kishi chuve cheni.