AHOLE 31:26 - Sumi Naga CL (Re-edited) Bible (BSI)

²⁶ Li no alokütsü lono atsa picheni, eno kimiyekini kükütsütsa huno li mütsü lo acheni.

BAIBEL (BSI)

²⁶ Liye alokutsu shi ivunheyikeu lono timi putsa cheni.

AHOLE 31:26 Referans Kwoze

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

AHOLE 16:24

Küpüqhiyi keu tsa ye akhingozü toi angulho ghenguno ngonyi eno aphimpi ghenguno akumto ke.

AHOLE 10:31

Amikuchomi kichi lono alokütsü tsa ipeghi cheni, ikemu atsa tuchighive chekeu mili ye kütsave tsü nani.

AHOLE 12:18

Chokilhemi tsapi ye azütakikihi pesü chuxuqhi keshi, ikemu alokütsümi mili no shipivilu cheni.

Kolosiami 4:5

Ado akiviu peitha no khalaumi zülo alokütsü lono xüpiye lo.

AHOLE 25:15

Kutuokutuu keu no yepemi züiza luve cheni, eno amili kümtsha no aghi kümka ghi hepholu nani.

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

MALAKI 2:6

Kuchou kükütsütsa no pa kichi lo ae, eno pa mütsü loye kiumu achipikumo ithumla. Külakishi eno müzüchoi I gholo cheche, eno pa no axine lono timi kutomo tutsüghü tsüe.

XAKUTHAMI 13:23

Ikemu pa nipu no khochile, “Tsala Ampeu no nikujo pithiveni keu shi aghi aye, Pa ye khilemu nikujo no akipti kümllagho ngo athi kümllagho pesü tsükeu ikhilu moni che, momu nikujo zülo hipaqo piye moni che eno akümzapu thime hipaqo ni vilo pimoni cheke.”

ESTHER 5:8

Akükau no I kimiyelu kepu shi aye, eno akükau lopu shino I no kümsü pulo eno qhüiniju akeu shikupu tsülu kepushi aye, akükau ngo Haman pama I no aghulhu kuto niye akeu lo ighilo, eno akükau no pi akeu I no thoghiu no pini.”

Apostolmi 18:26

Pa no amlo mtotoi sinagog lo atsa pie, ikemu kughou Priscilla ngo Aquila pama no pa tsa chilu keno, pama no pa sawo alau Alhou laghi mtsümishei lhepiye.

Apostolmi 6:15

Hoho mpemi kümtsü no thüghüi pa jukelo pa gi ye kungumi gi toi ithulue.

Luke 1:38

Mary no pi, “Julo, ni ye Ampeu qemi; o tsa kiqi lono I lau tishi peni.” Kungumi no li launo wuve.

ALE KIMCHI 4:11

O mtsü no akhingozü kighiji cheni, Iw külaliu; Akichhizü ngo akhingozü no o milibo qholo anie; o phimini xo ye Lebanon xokütsüngü toike.

ALE KIMCHI 2:14

O Iw miqhedu, atu nhepho lo eno atuxu cheku lo itshü akeu, I pelo o gi ithulu eno o sütsa chilu pelo, kughengu o sütsa ye jumghai eno o gi ye juvike.

ESTHER 4:4

Kughou Estherw ililhotheqo ngo liw shokomi no ighi no li vilo pi keno, kükaliu ye shishe amlosave. Li no aphimini Mordecai pipeni ye tsüpuwu, tishino pa pelo yeqhiyephi xaqhive peniye shi, ikemu pa no tipaqo ikhilu move.

AHOLE 31:27

Li no tsaqüi akibolomi vehupu jukuto acheni eno khilemu imemo keu chuqupu chu chemoe.

AHOLE 19:14

Aki ngo küakini ye apuaza launo ighilu cheni, ikemu lotsü-loghü nipu ye Ampeu launo ke.