AHOLE 30:17 - Sumi Naga CL (Re-edited) Bible (BSI)

¹⁷ Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

BAIBEL (BSI)

¹⁷ Khunono papuh jununi keno momu pazano kitemi shivekeu jupichini keno paye aluqu pelo peuvepe eno agha pelo pa nhethi mighijo luve pekepue.

AHOLE 30:17 Referans Kwoze

AHOLE 23:22

Aküxü pe o tsükeu o pu tsa inilo, eno o za no topumi shive kelo li thaigha kevilo.

AHOLE 30:11

Timi khami ye papu ghusho eno eno paza akishe tsü chemoe.

ACHINE 20:9

Khukhumu pa puaza ghusho keu ye pithiveni; pa kithi ye pa makho shini.

AHOLE 20:20

Apuaza ghusho aye o küxü ye akulu tsüqü pinheve tsü ketoi aküzü kutho lo ilove nani.

SAMUEL AKINIU 21:10

Tithiu Aiah nonga Rizpah no yeqhiyephi pesü atu shou apusho shino ghile hukuthu lono mütsü tusho lo tsütsüghu akumo shou ikughi moke kutolo tile ngove. Puchou li no aghauqo pelo momu putho lo aluza lo tüghashiqo pelomu tipaqo shou ikughi pemoe.

SAMUEL ATUGHIU 17:44

Pa no David vilo pi, “I lau ighilo, eno I no o phimpi pesü atsütsü lo aghau eno aluza lo tüghashiqo tsüveni.”

ZAKINIU 28:26

Nongu no thive kelo asükumo ye aghau ngo tüghashiqo no chuve nani eno tipaqo shikümsa no hapuponi kemi kühave nani.

AHOLE 15:20

Alokütsü nu ye apu mlokiqipu, ikemu mbomzümi no paza thaigha cheni.

AHOLE 30:18

I ghenguno thime küthüa bidia akümzapu eno vethamla keu ani:

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’