AHOLE 3:7 - Sumi Naga CL (Re-edited) Bible (BSI)

⁷ O likhi nou no alokütsüu shi kevilo, Ampeu sümsalo eno alhoksa lono tsüghüve lo.

BAIBEL (BSI)

⁷ Khilemu olikhi nouno alokutsuu kepi pukha kevilo; AMPEU sumsalo eno alhoksa launo tsughuvelo.

AHOLE 3:7 Referans Kwoze

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

AHOLE 26:12

Nongu ye timi khuana pa likhi pau no alokütsüue piche kemi ithi anio? Mbomzümi no pa nguno alau lajupu anie.

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

ISAIAH 5:21

Khunono alikhi aküghape alokütsü eno pano nhethe lo lotsü-loghü kepi cheni keno ahasapue!

AHOLE 14:27

Ampeu sükümsa ye aküxü züpuki, tipau vecheo akithi lichhe lono pojolu nani.

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

NEHEMIA 5:15

I züu angh shi ighi keqo no timiqo shou shishe amakho bepüaghi eno panow tsalakipe chuqupu ghenguno timiqo launo atsala lo ghükayi ahu tüxa lu cheghi. Panongu qemi thotsü timiqo qhasüpe ache. Ikemu ni ye Alhou sükümsa ghenguno titoi shimoe.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

SAMUEL AKINIU 12:20

David no ayeghi lono ithughive, azü luve, aphiau nuve eno pa phimini kilive. Pa no Ampeu kilo ilo no Pa mlla. Tithiu pa no pa kilo wuve. Pa no achuqupu khu, eno pa zülo qhitsü kelo ti chuve.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

AHOLE 14:16

Alokütsümi ye tsükhüi shi alhoksa lono tsüghüve cheni, ikemu mbomzümi ye lolhülo eno jukuto chemoe.

AHOLE 23:4

Küakini phuniye akumou shi o küxü pepuzüve no kulhokugho shimoni ke alotsülo.

AHOLE 26:5

Mbomzümi khochile kelo pa ghüzü gholau no pütsalo, tikumo aye pau no pa ye alokütsümi ipiuve niae.

AHOLE 28:11

Kinimi ye pau no alokütsü kepi kümsü cheni, ikemu vethakulu akeu kumlhomiu no phuphe luve nani.

AHOLE 28:26

Alikhi akükümsü shou pükhübe chekemi ye mbomzüe, ikemu alokütsü lono cheche kemi ye xaphe luve nani.