AHOLE 28:8 - Sumi Naga CL (Re-edited) Bible (BSI)

⁸ Akighishe lono küakini kughuko chekemi ye kütami khuu no kumlhomi tsü-je cheni keno pa ghenguno pekike tsüani.

BAIBEL (BSI)

⁸ Nono punakeu akighishe lucheni eno kutami shou adokivi luvecheni aye owu kinikuluye khunono kumlhomi kimiye kupu cheni keno tipano lau wuve nani.

AHOLE 28:8 Referans Kwoze

AHOLE 13:22

Timi kivimi ye pa tianuli tianuli kutolo amheghi qhitsü cheni, ikemu axinemi küakini ye amikuchomi sala qhivetsü cheni.

YETSAPIU 2:26

Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

ACHINE 25:36

Pa launo akighishe momu ala lumoni, ikemu O Lhou sümsa no pa pelo o gholo xüpelo.

EZEKEL 18:17

axine lono pa u süchile luve, akighishe momu ala lumo, Iw pimheye gholu, eno I yezah pape aye; pa ye papu xine ghenguno thimo nani; pa ye mtsüqheino xü nani.

IPEKULU 22:25

“Tsala nono Iw timi kumlhomi o gholo akemi lau pisa püna aye, no ye pisa püna kighishe chekemi toi pa lau akighishe lumoni.

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

EZEKEL 18:8

akighishe lono pünamo momu ala kiumu lumo, achipikumo lono pa u süchile luve, timi dolo kuchou xakütha shitsü,

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 19:7

Kumlhomi ye pa thiküzümi no mithiuve cheni, imaye pa küsamiu ye kishita pa launo putosüve cheni kelae! Pa no qhüiniju pape chenamu panongu phulu chemoe.

SAMUEL AKINIU 12:6

eno pa no hipau shikeu eno kimiyemo keu ghenguno ghuthu bidino küghüsü ambe pesü tsüchileni.”

LESHELE 72:13

Pa no miqemlei eno aveküsami kimiye cheni, eno aveküsami küxü xalu cheni.

AHOLE 14:21

Akisüghümi jukünatha chekemi ye axinemie ikemu süchile mono kumlhomi tsülu keu ye akümghapue.