AHOLE 28:20 - Sumi Naga CL (Re-edited) Bible (BSI)

²⁰ Pükhükulumi ye kükümgha no pofushi nani, ikemu chokilhe shi kinimi shinishi kemi ye aghimepu shinani.

BAIBEL (BSI)

²⁰ Kuchou shi xuchekemiye akuxulo kupukulai eno alokivi shi wulu nani. Ikemu nono paikhavino kinimi shive nishiaye oghime kepu sholu nani.

AHOLE 28:20 Referans Kwoze

AHOLE 13:11

Akumou lono küakini pekikelu keu ye hauve nani, ikemu kititi no pekütsülu keu kughukolu nani.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

AHOLE 28:22

Shonutsümi ye aqüagha no pa shou ikughi nanie pi mthano paikhavi kinimi shini keu kümsü cheni.

AHOLE 20:21

Abothu lono chokilhe amheghi ighiluve keu ye ashekha lo kükümgha ithumlave nani.

AHOLE 10:6

Kükümgha ye amikuchomi kütsü lo acheni ikemu kixikilami milibo qholo heqhi buqhi keu küsüpüa cheni.

LESHELE 101:6

Ayeghi lo pükhükulumi shou I no kimiyeqhiyi ju nani, panongu ye I gholo xülu nani; khuu no tukutiye kühakeu laghi lo checheni keno I qelu nani.

NEHEMIA 7:2

I no I thiküzüu Hanani ngo akighiki lo angh Hananiah pama pelo Jerusalem lo ayepe penike bemakho tsüve, kughengu pama ye kütami nguno Alhou sükümsami ke.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Luke 16:1

Jisü no itaghi pa khopemi vilo pi, “Kinimi lakhi gholo hekujuu lakhi ache, ghulo lakhi paw hekujuu no pa küakini kilhekului peitha acheni kepi atsa pa tove.

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

AHOLE 23:4

Küakini phuniye akumou shi o küxü pepuzüve no kulhokugho shimoni ke alotsülo.

AHOLE 20:6

Timi kutomo no iqemokeu kikimiye anie picheni, ikemu khuu no pükhükulupu timi phulu nani kea?

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

SAMUEL ATUGHIU 22:14

Tile Ahimelek no akükau khochile, “Imaye o qemi dolo khuu no David toi ighono pükhükulu, akükau makishiu, o ghukhemi shou kepten, eno o kibo lo gihuküzümi kea?

MATTHEW 24:45

“Tishiaye, khuu no pükhübekulu eno alokütsü qeu kea? Pa mpeu no pa pelo ado achipi lono aqemi kütami peitha eno achuqupu tsü penike akibo kulhuqhipe tsüve keu huke.

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

AHOLE 19:2

Akighithi kühano amlokütsü shikeu ye akivi kumoe, ngosü kümlami ye pa laghi vezüve cheni.