AHOLE 27:12 - Sumi Naga CL (Re-edited) Bible (BSI)

¹² Lotsü-loghümi ye akümsapu chekeu ithulu no itshüve cheni ikemu itikütüpa kemi ye vejoi ilo imeve cheni.

BAIBEL (BSI)

¹² Kumsukulumiye akupuna chekeu ithulu puzu tipau muxu wuve cheni, ikemu kumsukutoju mokemiye vejoi tipaulo cheilove cheni eno athiuno amloksa shi cheni.

AHOLE 27:12 Referans Kwoze

AHOLE 22:3

Lotsü-loghümi ye akümsapu chekeu ithulu no itshüve cheni, ikemu itikütüpa kemi ye vejoi ilo imeve cheni.

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

IBRIMI 11:7

Aküpülü lono Noah ye ithumla aphi keu vehu Alhou no pa kütüghü kelo pa kibolomi xalu niye msaighü qhiyi ashukaki mlae. Hipau vecheo pa no ayeghiqha kipimi piye eno aküpülü vecheo amikucho ithulu chekeu mheghi kiyighiu shilue.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

AHOLE 27:11

Alotsü lo I nu, eno I lopiqi tsülo, tishianguno ni ye I pipüsa akemi khochilelu nanike.

AHOLE 27:13

Inaghami piagha lotsü nike piqhi püaghi aye pa phimini pesü sükusho shi qhive paghilo.