AHOLE 26:12 - Sumi Naga CL (Re-edited) Bible (BSI)

¹² Nongu ye timi khuana pa likhi pau no alokütsüue piche kemi ithi anio? Mbomzümi no pa nguno alau lajupu anie.

BAIBEL (BSI)

¹² Timi khuuno paye alokutsumi kumoamu paye alokutsumi kepi pukha aghini keno kughuzumiu no pa nguno akiviuke.

AHOLE 26:12 Referans Kwoze

AHOLE 29:20

Nongu ye khuana chokilhe shi atsa piqhive chekemi ithi anio? Mbomzümiu no pa nguno alau lajupu auvae.

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

AHOLE 28:11

Kinimi ye pau no alokütsü kepi kümsü cheni, ikemu vethakulu akeu kumlhomiu no phuphe luve nani.

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.

MATTHEW 21:31

Hi pama dolo khikhiu no apu pulou shitsü kea?” Panongu no khochile, “Akichiu no,” Jisü no panoqo vilo pi, “Kuchou no I no nongu vilo piani, asüqha küqhami eno kütüqhalimi no nongu züuno Alhou yekipe lo ilolu anie.”

AHOLE 26:5

Mbomzümi khochile kelo pa ghüzü gholau no pütsalo, tikumo aye pau no pa ye alokütsümi ipiuve niae.

Luke 18:11

Pharisee huno puthughope pa sala likhi hitoi inikhu: ‘Alhou, I no O shikimthi akeu no ni ye timi kütami toi süxa kuchumi, amikucho kumomi, salha-shupumi kumoe, momu hi zame küqhau toikeu mu kumoe.

Luke 7:44

Jisü no atotiu küdau tsüghü ighi no Simon vilo ighiju, “No ye totimi hipau ithulu anima? I no o kilo iloghi; no ye I pukhu qhu kepu zü mu tsümoe, ikemu li no li nhezü pesü I pukhu pütsave tsüno li sa no isüve tsüae.

AHOLE 26:16

Akipichimi no pa likhi pa ye tsükhüi shi khochile chekemi timi tsüni nguno alokütsüu kepi kümsü cheni.

AHOLE 22:29

Kütshakügha kümlami ithi anima? Pa ye timi no ithimo kemi zülo kumono kükami zülou puthugho nani.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

John 9:41

Jisü no khochile, “Nongu no anhethi icheke aye nongu ye akipimi kühani cheke, ikemu itehi nongu no ‘Ningu ye ithulu ani,’ ipi anike ghenguno nongu kipimi ye aniae.”

AHOLE 12:15

Mbomzümi ye pau no achipi kepi kümsü cheni, ikemu alokütsümi ye kichemije tsükeu ikhilu cheni.

AHOLE 28:26

Alikhi akükümsü shou pükhübe chekemi ye mbomzüe, ikemu alokütsü lono cheche kemi ye xaphe luve nani.

ISAIAH 5:21

Khunono alikhi aküghape alokütsü eno pano nhethe lo lotsü-loghü kepi cheni keno ahasapue!