AHOLE 21:20 - Sumi Naga CL (Re-edited) Bible (BSI)

²⁰ Akughupu thime ngo thazü ye alokütsümi kilo acheni, ikemu mbomzümi ye tipaqo kishi chuve cheni.

BAIBEL (BSI)

²⁰ Alokutsumiye amekusho nhemgha nibonileyi peitha cheni ikemu mbomzumiye papashi ithulu kemtsa panowu pisa puwove cheni.

AHOLE 21:20 Referans Kwoze

LESHELE 112:3

Küakini eno kinikülü ye pa kibo lo anani, eno pa chipiu mikucho ye alhokupuju ache nani.

YETSAPIU 5:19

Alhou no küakini ngo tinhemgha tsüno tipaqo peithalu penike aküka tsü keqo ghi, pano makho ikhilu no pano kümla lo alovi kepue, hi ye Alhou launo agho ke.

YETSAPIU 7:11

Alokütsü ye amheghi toi aloe, khetsünhe ithulu kemi ghenguno adokivi ke.

AHOLE 15:6

Amikuchomi kilo akinikhuki kije ani ikemu kixikilami kini ilokighi lalo aküküpna acheni.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

Luke 16:1

Jisü no itaghi pa khopemi vilo pi, “Kinimi lakhi gholo hekujuu lakhi ache, ghulo lakhi paw hekujuu no pa küakini kilhekului peitha acheni kepi atsa pa tove.

Luke 15:14

Kughou pa no qhoi peitha khave keno, tipa ghakhu lo püqümiye kije ipeghive no pa ye thokha avehupu shiuve.

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

Luke 6:45

Akivimi lakhi ye alolo akivi kike püakeu lono akivi mlaphe cheni, titoi alhoksami ghi alolo alhoksa kike püakeu lono alhoksa mlaphe cheni, kughengu alou amlo lo kupukuno shi akeu akichi lono piphe cheni.

MATTHEW 25:8

Mbomzüqo no alokütsüqo vilo pi, ‘Ni kulu inheu cheake nongu mizü ta ni tsülo.’

JEREMIYA 41:8

Ikemu tipaqo gholo timi chighi no Ishmael vilo pi, “Ni pithi kevilo, kughengu ningu ye ashothi, barleythi, thazü, eno akhingozü aluza lo küsü püani.” Ikehu pa no tipaqo pithi move.

YETSAPIU 10:19

Achuqupu ye aghapiqi nike ghenguno mlae, atsaizü no aküxü lopivitsü cheni, pisa no thokha khochile tsü cheni.

JOB 20:18

Pa ye pa u ghülono mlaphe keu chumla no tsüchile masave nani; paw lhidikishi lo ala shikulu huye pa lokiqipu shilumo nani.

JOB 20:15

Pa no küakini munoqhi püakeu itaghi mughule cheni; Alhou no pa kive lono ikhipheve tsü chenie.

AHOLE 8:21

khunono I kimiye cheni keno I no küakini pesü tsü cheni, eno pano kinibo pichhitsü cheni.”

AHOLE 14:24

Alokütsümi saxü ye küakini, ikemu mbomzümi ghüzü no nikhanigha süghi cheni.

AHOLE 22:4

Aqhokigheu eno Ampeu sükümsa saxü ye küakini, agigihu eno axükushu.