AHOLE 18:5 - Sumi Naga CL (Re-edited) Bible (BSI)

⁵ Agikujushi kixikilami saphuve no amikuchomi pelo kuchou xakütha ithumlavepe keu ye alomoe.

BAIBEL (BSI)

⁵ Pimivekemi saphuveno pimimokemi pelo kuchou xakutha ithumlave pekeuye achipi kumoe.

AHOLE 18:5 Referans Kwoze

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

AHOLE 28:21

Agikuju ye akivi kumoe ikemu ashopa lakhi ghengu ghi timi ye akumou shive cheni.

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

LESHELE 82:2

“Ado khitohi nongu ye amikucho kumoshi küghatha eno kixikilami lau agikuju piye nani kea?

AHOLE 24:23

Hipaqo ghi alokütsümi kipitsa ke. Küghakütha lo agi jukeu ye alomoe.

AHOLE 17:15

Kixikilami pesü achipiu shivetsü keu ngo amikuchomi kileve keu pamagha Ampeu zülo aphikümqhüpue.

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

ISAIAH 59:14

Achipiu xakütha ye hapupovae, eno achipiu-mikucho ye putosüvae; kughengu kuchou ye alaghila lono küpxavae, eno amikucho ye tilehi iloghi mlavae.

IPEKULU 23:2

No ye küsakügha shiniye amqo akichiu gholo ikiqi ilomoni, momu achipiu xakütha tuchighi niye amqo akichiu küdau shino atsa kükügha lo thopi shimoni,

IPEKULU 23:6

“Atsa kükügha lo no ye kumlhomi launo pa chipiu tuchighive tsümoni.

AHOLE 17:26

Pimimo kemi shou asüchu keu, momu amikucho shike ghenguno gihuküzümi heqhi keu ye alomoe.

AHOLE 31:5

tikumo aye panongu no aji shove no xaküthaza tsüpüakeu kümsümave no aghimemi chipiu tuchighive tsü nosake.

MICAH 3:9

Hi inilo, nongu Jacob lagha lo sakiphemi eno Israel lagha lo yepemiqo, nongu no kuchou xakütha mithi eno müzüchoi keqo kümtsü tuchighive tsüke,

IPEKULU 23:3

momu no ye kumlhomi tsa kükügha lo pa lau agi jumoni.